朗聲四起

Alang Prisiya nii we alang Plmukan, Prisiya nii ka irih so gaga smdaling hari alang miyan Seediq. Rudan miyan cbeyo hayan we, alang Pngerah kesun daha ka alang Plmukan nii, kndalax tama miyan rudan de Prisiya kesun daha di, pnuyu daha kari Plmukan.

Cbeyo hari hayan Hori kesun daha duri ka Prisiya nii, pnuyu daha kari Tanah Tunux ka kiya, ado qnlhangan Tanah Tunux ciida, laqi hndure de Puri mesa ka dheya di, kari Telu nii saya ka kiya. Ssiling mu tikuh hini we, “ Malux daha kesun alang Pngerah ka alang Plmukan rudan miyan ncbeyo? ” Daha ka pusu kari pnyahan na nii mesa rudan alang, so nii ka kari snrnuwan daha.

Tgkingal kari snrnuwan daha ge, ado egu hei ka Plmukan, meniq breenux ma, mgrahun mtgutu meniq ka dheya; Ita Seediq ge ini ta keegu hei ma meniq ta lmiqu ma ddgiyaq. Kika hmiru keeman ka knkingal sapah Plmukan meniq breenux de, so hari pngerah karac baro qtaan ka ledax na tqwilaq, kiya kesun daha alang Pngerah.

Tgdaha ge, nngalan daha qmita pngerah ppuqan ta ido saya, bale ba we ini kela dmoi pngerah ma atak ka rudan ta cbeyo, asi ekan baga. Moda rmigo bbrigan pngerah Prisiya ka rudan ta cbeyo, cbuwan ledax hido bino ka pngerah dige, bale so pngerah karac tqwilaq qtaan, kika pngerah kesun daha tmngayan duri. So nii de, uxe wano pngerah ppuqan ta ido kesun ta pngerah, niqan kui tqwilaq lmedax pusu na ngungu de skiya keeman, pngerah kesun ta kui kiya duri.

Kndalax meyah meniq alang Prisiya ka Plmukan de, Prisiya ka yyahun daha maruy qyqeya ka drudan ta cbeyo, so ka parih, kagun, puru, supih ma timu, kana so qbulic ma bbali desun lmiqu rseno.

Saya de, ani ta meniq alang Gluban, knduwa ta meyah maruy so smsama puqun ta ka Prisiya hini. Uxe wano seediq alang ta ka meyah mbbaruy Prisiya hini, kana seediq mneyah Toda ma Truku, Tayal daha ka Bunun uri. Malu ba ka Plmukan ga meniq Prisiya hini saya duri, mtbale ma mggaalu ta kana.

埔里鎮是較靠近我們賽德克族的部落。先祖何以稱為閃爍的聚落（alang Pngerah）？耆老們有兩種說法。第一種說法是當聚落於晚間點燈時如滿天繁星般閃爍。第二種說法則是祖先經埔里購買碗盤時，當陽光照射到碗盤、反射出的光芒猶如天上星光之閃耀。

我祖先原居住在霧社地區，從前就到埔里購買生活必需品。如今各族群的人依然會到埔里購買生活用品。