朗聲四起

Itini i rakat no ’orip no mita awa ko mahadimelay sanay a sowal, edeng itini aca i nasafaloco’an ko mahadimelay. Itini i ’orip no mita saheto to o kaira no tango’or, onini koya tadaso’elinay i rakat no ’orip hananay. Orasaka kita o tamdaw aka ka i roray no faloco’ a mikilim toya matiyaay o “ Mahadimelay. ” hananay, ano haenen ko demak malasaka adihay ko tango’oran no faloco’. Ano haratengen i, o saka adihay no tango’or i ’orip no mita o tamdaw, o kaolatek no mita milaop ko sakamatini. Saka o kalata’ang no tamdaw makera ko ka'iwilan, pasasotili’ han kora ma’iwilay ato kalata’angan i, awaay to ko sasowalen. Nika o tamdamdaw hananay caay kaeca tango’or toya ka’iwilan a demak, caayay pakaharateng cingra toya karahekeran nira a demak.

Saka, ano sowalen, o satata’akay karahekeran ato ka’iwilan no mita, i rakat no ’orip i, saheto to kita ko misakawananay. O satata’akay pinalayap i rakat no ’orip, oni to o “ Kahofoc ”. Na itira ci inaan ato ci mamaan pakalayap kita to ’orip, caayay ko satata’akay pinalayap no mita konini saw? Nawhan ano awa ko pinalayap, ikor to a awa to ko pinalayap, onini ko litapangan nona sowal. O satata’akay ka’iwilan itini i rakat no ’orip, onini   a “Patay” hananay, ano makera to ko matiniay a demak, o patahtah to no mita to manmaanan no malayapay, halo o ’orip to no tireng, caayay ko satata’akay ka’iwilan konini saw?

Kita itini tona hekal caayay to pakafilo a mirepet tona satata’akay pinalayap ato nika’iwil no ’orip, o maan ho ko lalongocen no mita saw? Deng to o pisa’icel no mita ko safangcalay, nika kita o tamdaw tahira sa i da’oc awa ko pakareko to mahadimelay. Anini misi’ayaw kita to masamaanay a demak, awa ko caayay ka ciraraw . Orasaka aka to pisalongoc to tireng to malecad to o mahadimelay a tamdaw.

O ’orip hananay malecad o mimaliay, o sacalowayay masakapotay ira ko kalasakan no pimali, o satati’ihay masakapotay ira ko kacalowayan nangra. Orasaka cipatosokan kita safaloco’en kiadihayen ko malahedaway. Saka i rakat no ’orip awa ko masahadimelay a masowal, deng i nisafaloco’an ta ira ko masahadimelay, itini i ’orip no mita sahto o tango’oray ko iraay, onini koya tada’orip hananay i hekal. 

人生沒有完美可言，完美只存在理想中。人生太多的遺憾，是由於人們過分地追求造成的，人們卻往往會怨歎那小小的失意，而不去想想既有的得意。人生最大的得意與失意，都是由我們自己左右。人生最大的得，應該是「生」。從父母那裡得到生命，不是最大的得嗎？而人生最大的失，應該是「死」，當這一刻來臨，我們便須交出所得的一切，包括自己的生命，這不是最大的失嗎？

人生沒有完美，生活中處處都有遺憾，這才是真實的人。