朗聲四起

iké cekele name na ngiu, sakura margi. pakilivu dria na maka ico nga. mécé ni cingira ni sakura margi cɨngɨlɨ made, muknédra brévé ka tangesa, tédra ka nina, mama, tarngesa mukné, tédra na urgu ku salkane ni mukné.

naku ni pakilivu nia ngiu, mathengedabka. tikca cɨngɨlɨ made, makasi makece nge, lekebe na cekele.

sakura madro tumutha cekele. maka ico nga tastiti mana cngleni ikdalme na ico nia. masu ngu ni, sukra nga mukani mua csɨkela kuene na seke le tiko the na maka inu nga.

i kidri ngiu na véva séreke, masunge ni ka sémca mua ulpu na tumuthua anama bérévé madro na tumuthua, angculu. kiupa kuene na maka kuanga, mu taradro na ngiu, maragi na cɨnglemade, iké na sessa na viene, iké na tardro na tumuthua mukni. mudane, kuene na maka kuanga.

saka misienenga i ku ngiu urgu nukné mala madria tumuthua sukénga dria lepenge drodro, mukné ni tumuthua.

puranga dria, mabebere tikiubu, susilikianga dria na makaicong, sakura matharé dria ngingiu. porcɨ dria “kang hu siau mau” miya.

a titi na ni nga sakura nga mkece nge, thede valakedra iku valvalke ngiu. maska suké ulpu tmu thua.

社區裡有一隻瘦小但身手矯健的小貓，是大家喜愛的「功夫小貓」。由於部落老鼠橫行，小貓常在夜間出動捉鼠，成功守護倉庫和住家財物，成為社區的守護者。牠不僅越來越強壯，毛色也越來越漂亮。有次，一隻大老鼠闖入居民家中大肆破壞，小貓隔天成功將牠制服，更受大家喜愛。某天，小貓突然消失，引起居民擔憂，後來牠帶著五隻小貓回來，大家才知道牠生小貓了。成為媽媽的小貓更加努力捕鼠，繼續守護社區。