omiki omiidhe dhona takaeaea ocao tapa’ika’ikai, mani kohokoho omidhe totacilalra patovalange. dhona acilaidha valange kataadhi’i mace’elao. o’i lapolapodha madhao tohamoho sa’apalra moa ’ongolo dhoona’i acilai, makinikavocohae madhalro.

iki dhona’i kalalrapae, mo’adhaili kidha’odha’olo. onai kohokohodha valange ’a kinakasi’ie acilai. oo vilrilaenga ’a kilaanga ka miiki ta natotohonga acilai. dhona tapa’ika’ikai ocao mani aavivili lapolapodha to’onai dhoadhaace, ’ila’ilape lrana, ’iaciacilai.

mani iki dhona menanae kava’i dhona ta ’alivalravalrae ocao. mani ’itovolridhe dhona tapa’ika’ikai. dhona tapa’ika’ikai mani ’eke omiidhe. dhona apa’oliongalidha mani paohiki dhona takohokohaedha dhona acilai.

dhona valravalrae ’a mani iidhe ’ina’i “kani kikohookoho’o po’adhingi?” iidhe. dhona tapa’ika’ikai ocao mani ia ’inai “lo naokohokoohonga po’adhingi lo miali, amo patalrivataelrao ’adhingi apoto kohokoho, maelrelrao tamo pa’ehemae kohokoho.” dhona’i valravalrae mani iidhe ’ina “lo nao kohokoho po’adhingi mia’o ’a amo ’oalengamo’o kohokoho,  nikakocingalrani lo kohokoho’o po’adhingi, amo toomaomo’o cengele apakacokai ’ii acilai!”

tavolrovolroenimite ’ina lamolai, ni’idholroata solasolate la ’adhidhapae, lo kidholrota poke’ecengae, maadhe’engeta takakocingalrae la mani kamalre’emita, ka odholrokata ka olropenge dhidhape.

’ina’i takakocingai dhidhape odholrimite ovili pato’oto’o, kina kadhaoe ’ica’oca’oeta. mani dholromita naopi’a aiaeta.

有位農夫掘了一口井，井水很清澈。他天天趕著牲口來到井旁飲水，每隻牲口都喝得飽足。

有個夏天，多日不降雨，井水漸漸減少，至到後來一點水也沒有了。農夫很無奈，為著牲口四處奔走，尋找溪水、泉源。

某天，一位旅客路經農夫的家。農夫招待他，讓他稍微歇息。談話間，二人談到農夫的井。客人問：「為甚麼不再掘深一點呢？」農夫回答說：「若是再掘下去，需要鑿穿石層，那個太辛苦了。」客人說：「但是你若挖好了也一勞永逸阿！雖然艱難，但是挖下去說不定會得到意想不到的泉源！」

故事教導我們，無論讀書或工作，若不肯出代價，遇難即退，便很難獲得成果。艱難會引導我們有更深的學習，至終達到成功。