ka pulavalavai amen tua kaljazalangzangan, kacuin aken ni kama a sema kinalivuan i Payuan a kivangavang, sa ke pakipavala-i tu kedri tua kakudan a kasicuayan nua kacalisian.
tuazua ka uri djemaljun anga men i zua sa ne tjemavang a kemasi cadja tazua umaq a qinaciljai, kirimu aken a talimuzaw. “uzi kasicuayan ka namakakaizuazuanan a umaq a qinaciljai, tjaparamur anan aravac a sitalidu nua qinaljan imaza, maru kamavanan anga a naqemazaw i tavikilj tua gadu,” aya ti kama a tjemaucikel tjanuaken.
pai tjumaq amen tua matjaita a qinaciljai a umaq, manu pacun aken tazua paljing a teku aravac, nuka tiaken a kakedrian uta zemazukuman aken nu tjumaq aken.
ku kivadaqan ti kama, “aki masa kinakakedrikedrian nua se Payuan a caucau a sicuayan?” a aya.
temvela ti kama, “ini lja!”
“aku manu tekuin a maya azua paljing?” ku ayain a kivadaq.
pai tjemaucikel ti kama.
“azua tjapazangal, kasicuayan a tja sevalitan seleselemen a pi tjumaq, manasika a timanga a tjumaq tua tja umaq tjara zemazukuman anan a paqaljai tua tja sevalitan, sana ka makayanga a seljenguaq a tjumaq.”
inika amin, tjaucikelan anan aken ni kama tu neka nu sinidjukic a simintu nuka kedri tua i qinaljivan, ljakua nu kaljaqudjaljan ini angata ka tjemuzuq a tja umaq a qinaciljai.
“aicu mavan a caquan katua ligiljan a kinasicuai nua se Payuan zuku, qau aicu siqaljivan tua umaq a qinaciljai kinicual tua kinaqauljivanan nua kamavanan,” aya ti kama.
ka tjemaucikecikel ti kama namapacun azua kisanazua nimadju tua Kinapayuanan. “aicu a patjara umaq a qinaciljai liaw anan aravac a sizaqazaqaw a tjaucikel, kudain nu ljemita aya mun!” aya timadju.
暑假的時候，爸爸帶我前往舊筏灣部落踏青，讓我去體驗一下排灣族的傳統生活方式。
爸爸告訴我，以前更多房子的時候，畫面更是好看，就像是百步蛇躺在山腰之間。
我們走進一幢石板屋，門非常低矮，連我這個小孩子也要低著頭蹲下去才能進去。我問爸爸：「排灣族人以前都這麼矮小嗎？」
爸爸說：「當然不是。」
我問說：「那為甚麼房門都這麼矮小呢？」
「更重要的是，我們的先人過去都葬在家裏，所以進到我們屋裏的每一個人，一定得先要低頭行禮向家裏的先人致敬。」
爸爸還告訴我，石板屋頂並沒有使用一點水泥，但是石板屋在雨季時也不會發生漏雨的現象。這就是排灣族人的傳統技術和智慧，而且是根據百步蛇鱗片的原理蓋成。
爸爸得意的說，石板屋的秘密還多著呢！