samaljitjen tua ca’uan niamadju amareka tia vuvu! atjapacucunan a sipaljizaljizav tjanuitjen avancua yenmingtai a “vuvu ni cenhuy” aya! aicua ti sakinu ljemaluay a sitjaucikelan maca’u aravac a pacacusu kata ljemikayan apatide’, pay aza sitjaucikelan padjalim itjen a ljemizav! savida mamaca’uan pususu pulima tiamadju, nakisusu ta kemasimilingan, sika namatjatjuca’ua’uan a inalang a nanemanga a tjaramacidjicidjiljan.

spacuni aicua ’uljicaca akasiv, ridraridren a ki’apulu satju’tju’en a ’aljic a patjatjuvadayin, numakarasudj taza ’aljic makayanga galjuin a sanitungen santjalupunen! saza manleklek, kizakilj sasuasavi satjuljitjen asemubaljic, celjisin sarasin, numetadanga calisen sa’udaten akemuljay, numecalisanga makayanga tjeme’ic asansikawin kata tjemnun amanitung.

sazua kingat patje semanesekam, semalji(zemalji) aya tiavuvu. nu kingat a patagilj sem’as ta ’apulu a paljeasav, drasina papetadanan, sakematjekatj savenulitjuku sadrasi uta, numacayanga vanasemaljuv. saljuvem nuaya suvengetjen a linitjuku, saseveci aljemita a lemadru’. numazululjanga saka pucuganga kipatagilj a cempu a semansekam.

atjaivililj semene lalang tua nitjen a kinacalisianan, izua tinenun, pinadjekecan, vinecikan, pinuluvucan, maretimaljimalji asikasengseng.azua “keljep”, nasacemel a’aljic akinasengseng, kata “baliuljan” uta, nasizi natakec a sinubaljican kata sinu’uvaljan. makaya santjalupunen kata ljavac apapu’ungcuin nia vuvu a sicuayan. ljakua luaanga mapacun a sacemel, saka sika’iljianga nasihu a ’emaljup, mavekeljanga maca’u uta. azua puvililjanga patjara sitjepanan a saliman, “dremapulj” aya, numakatju’tju’ ta drapulj, siberber a pasapanain, lemingac ta ci’av sa makayanga tja lapin. “veneljeng” aya, sialap ta ’aciljay saveljengi a kiluvad ta pakazuanan nazaljum, nukatiatiav madjuluanga lapen. aza “’emili” aya, sialap tanakezeng a dricing, sapasatjaladji a semapsap ta maka’aciljay a lala, aza ’uzang aza ci’av madjulu a ljedjalad ta kuni! kumalji a tjulja atjalja ’alam’aman a’erir pazangal a malavut uta.

aicua ku ljinizavan a mavida ca’uan puvarungan nua tia vuvu, tja pasusuay a patudur, ulja kamayamayan a ikaurima’ulip a tjasikudakudan!

原民台的節目「vuvu你真會」介紹製作苧麻線的過程、月桃蓆編織，而排灣族的服飾製作有有「夾織法tinenun」、「貼布法pinadjekecan」、「珠繡法pinuluvucan」、「刺繡法vinecikan」、「獸皮背心keljep」等。但是這些早先族人的技術已乏人問津，何況政府早已禁止捕獵保育動物。

接下來是捕撈的各種方法，有「植物毒藤麻醉dremapulj」、「圍毒支流veneljeng」、「撐開石縫’emili」等。

觀賞這些有意義的播放的節目，都是老人家們的傳統智慧，希望大家重視並傳承祖先傳下來的生活文化啊！