朗聲四起
kipa’enetja’en tia vuvu nu pucavilj a payrang, penili’ ta sasevesevecan ta nakezeng a kasiv, tu sipakaleva tua ’ali nia vuvu a payrang. djaljunanga tua ’adav, nakiljakaca’en taia vuvu, tu kacuina’en. tazua tjevavava’en tua pinelju’an ta kasiv, a pinatjukur ta ljuang a palidring. kadjemaladjalananga sa nugemalju aza ljuang, siveljatj ta ’au, sa “au! au!...” ayaya ti vuvu a pakirimu. tazua “au! au!” ayaya amenuta, a kivauvauvalj tjai vuvu a papupicul tua nia ljuang, ulja ikasemekez nu i djalan aza ljuang! pay kacemikelangaamen a mauma’, pinelju’anga nia cepeng nia sikaw tua sinikivalit ta payrang. izua kiamcay, tjaljumesengan, pa’ecang, ’angkukuy, tawpu, ’atiya kata ljualju a sulayilayic. izua uta na vavayavayan a bahun a ping na ’uvalj. kamangetjezamen i uma’ selemananga, ljakua kicevungan a tja lja’edi’edi namapuzangal nakemaljava, pay ’aru’arutjen a penuljat nia vuvu azua naki’epuan. ulja tja sinikalevaanga a mamamav aya tia vuvu. “aiyang lja tazua!” aya tia vuvu a kipa’ene’enetj!
izua nupumayanga kianema kasiv, lja tazua nekanan nugasu nutinku a sikesa, kanamezua a sipecungu nangua’ sakamaya, tingtingngen napayrang sakivalit ta vurati ta kiabic. nu pupicul a u’aljay venaljes ta kasiv, cemavulid a burukay. kavililj ma’iljianga a sihu, nu ljemeliav a temu’ez ta kasiv uri ljemekuya tua gadu madjulu a macunu’ a kadjunangan. katalu nekanan a kakipaysuan saka nekanan a kuba tazua, nu makelkel ta sipapupaysu ta kakedrian katua sipasupu, vaik a tjemu’ez tua zingla, kiracev, muricemel a mavukid. sipaveliveli a kivalit tua paysu, kavililjanga izua kiasaba uta a sipaveli. nu kaljataleman ta’arizang a payrang, azua sipatjalitjalik ta ’apulu na’arizang a zingla, nu rukurukung inika maveli, pacikelen nua payrang aya ti vuvu. nupaveli rema’ezemetj a lemagav ta sakingting, mavanu djadjasen na kisacu tjarapatavungen! aiyanga tja pala’la’an ayaya ti vuvu apaljelusa’!
早期漢人過年時，爺爺總會準備幾綑又直又堅固的木材，送平地的朋友。回程時，籃子裝滿了年糕、鹹菜、糖果等，爺爺把所有的物品分給大家！有時也會砍雜木去平地換食物，部落男子會劈柴，扛下山換物品。後來政府嚴禁砍伐林木，恐山林將有崩山坍塌之虞。
當時還沒有工廠或其他賺錢的地方，只有往山林砍黃荊樹或採藥草來賣哪！到了後期種樹薯，可以賣到好價錢。那個時代一切靠人力種植，小朋友為分擔家計認真採集決明子、白鳳豆來賣…！