朗聲四起

nakidjadjalana’en tjaikama a cemuljev tua laljing, kemavica’en tua pinisikaw a ridraridr kata sicuru tua laljing. ti kama kinavic a tjasadjelung a tju’tju’ kata sizangezangezang ta laljing a gasu kata djukic. kisusuan tua laling cemalivat tua sakingting, saljezayanga patagilj. kemaukav a venasak ti kama a djemaladjalan, “liav a tjalik a lezaya, kipapaulingavu!” ayaya ti kama a palikuz. kadjemaljunamen i tjurungat, secekeramen itua namacunu’ a djalan, aicua i tjurungat nia kinalivuan a sicuayan, rukacunu’ a imaza a kadjunangan.

sika lemagavamen a kivalidiyan, manu kamayan tu izuanan azua navulung a kamurav a kasiv, puvangalj ta dradripudrupudruan. kacemalivat amen i puzakiljan, izua matapida a tapav a pecevucevulj, tjara tia vuvu azua kumalji! a! cemapacapa tiamadju! nu i vukid lemangedaitjen tua ljingav a maretimaljimalji, yi? napangac a ljingav! “aicu macayitjen!” ayamen sa kemepungamen apacalivat. avanu minevar a mapuljat, nu sengapanitjen tjara caljedjenitjen, uu! ays! kacemalivat ta ’au’auin, retjegela’en kapacun tuazua kinivalju’an a ’aljic! namagagalja’en nu izua kalickic a’atjuvi! nu ladru’ a valjecatj na ’au, silaljilaljing ta zaljum, sanetjatjavuan tu vayvayan ta itung ta sicauvan. pazangal a cemuljev! kisusuitjen ta laljing, mayang sadjelung a tja turivecan, nu izua namabeljutj na maljekuya a laljing, beljutjen sapavaliti tua va’uan a laljing. ayi ! ika’en a venalanga tua ’u ngalasengasan kata ’usavan tazua! pay semekezamen a palamu! “aicu za’u” aya tikama, a vangalj nakiparu naginggin a kinakemudan, tja sivata’ tua itung, makaya sipi’u’u uta. katjeme’anga’en manu mapacun aza vuvuan, a nakipaselem izua ta vacinga a kasiv, pakirimu a venecelu’ ta ricing a semanepurung ti kama izua , a pukeljang tu izua a ’ecilu na vuvuan, nukipa’enetjaken, puvarung a pa’ulid ti kama ayaken a pivarung!

kamatjavang azua velu, palamuanga zua cacevudan nua tjatjan. aicua velu tjasikeljang tu tjevetjeveng a kadjunangan. a imaza tjatjan nagemagalj sa ceva, ’aca a zaljum inikamakuljikulji sa taljitiv. kasuca’evan a sinanetangku i tjatjan, kinapelju’ananga na cemel, djaljepan tu maljupetj a laljing, sekedrianga mulisu’ a mangtjez i tjuma’ a zaljum ayamen! aicu a kusineljavakan a cemuljev ta laljng, inika madjuluangata!

我跟著爸爸去水源地修水管！到了舊遺址(舊佳平)時，這地段崩塌，繞遠路，看到老柚木及幾家草寮炊煙裊裊，在烘烤芋頭。叢林裡會聽到不同的聲音，會看到蛻變脫身的蛇皮，比較長的竹鞭，就是以前當引水用的管子，或當曬衣服、竹竿子。

巡視水源真的很艱難，不但背著很重的工具，如有鬆脫的或損壞的水管，要拔掉重換新的水管。當我們把水源地的儲水槽打開時，滿滿的樹葉雜草阻塞了水的管路！經歷這次之行才知道引水修管不是簡單的事！