朗聲四起

Kaviaz talmadin ’ata ni tu pasadu miliskin cak su’u, madas cak kecalpu’an tu is’ang, mudaukdauk masepa dangi’na su’u tu dalaq naasa mintivi su’u, manungciv va is’ang uka’i duma iliskinan, kopa ki no’az su a, cihal su’u a, ihan kumbu’ punoq nak coqescoqes sa iniliskinan, i’ica asu? ka’itin cak sadu ki liniqeban ita tu dapan. icaqa tatini mano’az tu bunun, maqanimulmul la kanum, matukuis sa mu’dan sihehecqang susumbang, opa macakbit ta dangi’an susumbang han kumbu’ ’i balang, luvuc ca mata’ mupasaq qa usaq, dozucdozuc tudoqtudoq panhan, liniqeman ita pahahala manaskal maqenan tu dapan, makazhav va is’ang, usadu’an han iliskinan ni cikopa ka kenaskalan tu liniqeban iti. luklac cak tu i’ica asu! macial asu! miliskin asu zaku! matimil la is’ang nga uka’in na ’usaq maqtu muqalqal.

Kaviaz talmadin ’ata ni tu pasadu miliskin cak su’u, daukdauk ca mudan maszang daukdauk ca mun’iti kilim su’u, daukdauk ka usaq muqasqas panhan liniqeman dapan nak, taskun cak minsanavan madangqac tu tesqang ngi vali masoqbung nga is’ang, taskun ni vali muqav han dulun, na muqavin sakakiv cak ki iniskunan ita tu acang, mubaqbaq qa mata’ i usaq anana’ anana’ ’a kanum, ni cak asa muqaiv han ludun di, ’i ’ica asu? muqaiv cak han ludun muqaivin amin na vali han ludun, tindumdum ma diqanin maszang adasun cia ka is’ang tisdumdum. daudauk cak mavalval li ima tu, na lakuin ’ata moqnang pasadu madangqac tu vali, ni a usaq mimisbu’ piluvuc ci mata’, moqnang sakakiv va kopin ispuc ludun na tesandun ni madangqac tesqan ni vali. au na cimaq qa sinadan sumbang, na cimaq qa taqu’an iliskinan han is’ang. muqaiv tu vali lakuaq ’ata muqnang pasadu.

朋友久未不見，帶滿心思念，輕輕來探窺。望不見中人，思念輕輕落淚，滴滿回憶足跡。心中吶喊！心愛在何處！你如何！心裡還有我在否？朋友久未見，帶著思念來，輕輕來探窺。腳沉重輕輕離開，像我輕輕來窺望，不捨離開回憶。淚滴滿腳印，隨夕陽餘光，心漂離思地。回頭一望，山頭照微弱光，熱情没了。探窺不見，美麗人兒，順獨水溪輕輕離別。彎彎的路，頭裡思念盪漾，冷風入心。輕輕離，輕輕念，放你心。像跟隨雲輕輕飛了。