朗聲四起

Kndsan ta sayang o ida bi mqsuqi rait kmpriyux da. Lala bi ka qngqaya saw bi snraki ida ga ptjiyal lqian. Ga pdawi ni psqdang dhyaan. Knkana gygaya ta uri o nii mhhurah ni pkngatan da. Mrrawa ni smqdang lqian. Manu mdawi bi matas ka dhiya da. Nasi maxal hiyi o ida bi wana dha balay ka mdrumut matas. Qtaan ta ka pndkaan snpngan o ini hari dhuq kana. Slhbun ku balay. Yaa ta huya ksun pstutuy ka lqlaqi matas sayang dhug?

Qnita mu yaku o tama ni bubu ka pusu balay. Tai mkmalu bi dnngsan dha o malu bi kndkilan ni snlhayan dha ka lqlaqi. Hnuya msa psgasut pkmalu sapah ni ptduwa tmquli lqian o kika pusu bi. Paah rbnaw siida mttuku bi ka gnluan. Tgsai bi kmaraw sapah uri. Saw ka smksik ni psmkul. Smparu rdrudan ni gmealu mnswayi. Embiyax bi matas. Pshlayi paah bi lnglungan na nanak matas.

Drudan o asi ka smmalu mlngug bi nniqan ptasan. Tdwaun mgluus bi matas. Ungat ana manu prrawa hyaan. Nasi mseupu tguhuy lqian matas ka rdrudan do kika sun suyang bi. Mkla nanak lmnglung ka lqlaqi uri. Kingal ruwan sapah o mseupu mdakil ni smluhay kana. Tai bsiyaq ka pnkdhgan do mrana bi ka brihan na uri da. Ana manu o asi ka paah kndrmtan ni knrmnan.

Dndulan tama ni bubu ka pusu balay. Ini ta pqtai naqih euda ka lqlaqi. Saw ka tmsinaw, mdawi, mkeekan, ni psparu. Tgsai ta mdrumut, kmsrudan, psbilaq, mlu, psgasut, ni tnpusu. Bhragi mnegbalay bi euda.

Tai mdawi ka lqian o asi psrui kari. Nasi mdrumut o ddugi. Klai balay ka snlhayan na. Smtrung msriqu ni meuwit siida o thiyi bi uri. Rmun ni knkla o empdakil paah hini da. Pklai ta balay wana mnda rbuk ni mring o kika balay bi nnisu. Saw bi qhuni bilaq ka lqian, asi ka kmluun bi mhuma. Dxgal, sbghuran, thdagan, ni hnriqan asi ka mttuku bi kana. Paah mtangu bitaq maa radax asi ka klwaun kdjiyax. Klwaan ta balay o mghiyi bi ni mtgamil bi uri.

Ita Truku o mdka ta mqrinut kana. Wana mdrumut matas kika ptduwa pblaiq tnan. Asi ta ka ini sangay qmeepah ni miying pila. Qrinut ni msbasur o kika sqnaqih ta. Mdawi qmeepah kika rjingan mrrawa ka sapah. Ini kmlii tmquli, ini dhqi ppatas ni ini dduli mqquri mbalay ka lqian. Ida mggaluk ni mreeru ka qnqihan da. Pusu balay o “ matas ”. Ixun ta eangal knkla. Knkla o kika brax.

也許現代生活改變太迅速，許多事物總在引誘著小孩子，使他們懶散及迷失，造成如今的孩童懶於讀書。十個之中約只有二個小孩求學較認真。身為老師及人父的我實在擔憂。到底要如何提振現今的學生呢？

家長的角色最為重要，重點在於如何持家教養小孩，給予孩童足夠的愛，教育孩子做家事，如打掃及整理庭院、尊敬父母友愛手足、完成老師交代的功課。

要營造適宜的讀書環境、不會擾亂孩童、最好能陪著小孩一同學習。

若小孩懶散則訓示，若勤奮就給予嘉勉。若遇到挫折及困難則要陪伴。堅強及智慧從此而長成。

太魯閣族大都貧窮。唯有勤學才能使自己富有。唯有努力工作賺錢才會發展。困窮及軟弱是罪惡的源頭。最重要的仍是讀書。為了獲取知識。知識就是力量。學問一旦充足之時，生活亦將改進。