朗聲四起

Kndsan ta sayang o ida bi mqsuqi rait kmpriyux da. Lala bi qngqaya o saw bi snraki pptjiyal lqian. Pdawi ni psqdang bi dhyaan. Gygaya ta uri o nii mhrhur ni pkngatan da. Prrawa ni ppeydang bi lqian. Manu mdawi bi matas ka dhiya da. Nasi maxal hiyi o ida bi wana dha balay ka mdrumut matas. Pnspngan dha tgaaw ini hari dhuq kana. Slhbun ku balay. Huya ta bi ksun pstutuy ka lqlaqi sayang hug?

Knruyan mu yaku o ida tama ni bubu ka pusu. Tai mkmalu bi dnngsan dha o malu bi kndkilan ni snlhayan dha ka lqlaqi uri. Hmnuya msa dmungus sapah o emphuya msa ka llqlaqi dha uri. Paah rbnaw siida mttuku bi ka gnluan dha. Tgsai bi kmaraw sapah. Smparu rdrudan ni gmealu mnswayi. Embiyax bi matas. Pslhayi paah bi lnglungan dha nanak matas.

Drudan o asi ka smmalu mlngug bi nniqan ptasan. Mgluus ni ungat ana manu prrawa. Mseupu tguhuy lqian matas ka rdrudan do kika tgsuyang bi. Kingal ruwan sapah o mseupu mdakil ni mgkala kana. Qbsiyaq ka knsdhgan nii do empkrana ka bbrihan na uri.

Hnyigan tama ni bubu ka pusu balay. Ini ta pqtai naqih euda ka lqlaqi. Saw ka tmsinaw, mkeekan, ni psparu. Tgsai ta mdrumut, kmstrudan, psbilaq, mlu, psgasut, ni ptpusu.

Tai mdawi ka lqian o asi psrui kari. Nasi mdrumut o ddugi. Smtrung mqraqil ni meuwit siida o thiyi bi uri. Rmun ni knkla o empdakil paah hini. Pgklai balay wana mnda rbuk ni mring o kika balay bi nnisu. Saw bi qhuni bilaq ka lqian, asi ka kmluun bi mhuma. Dxgal, sbghuran, thdagan, ni hnriqan asi ka mttuku bi kana. Paah mtangug bitaq maa radax asi ka klwaun balay kdjiyax. Klwaan ta balay o mghiyi bi ni mtgamil bi uri.

Ita Truku o mdka ta mqqrinut kana. Wana mnda ddrumut matas kika empgblaiq ta. Asi ta ka ini sangay qmeepah ni miying pila. Qrinut ni msbasur o kika sqnaqih ta. Mdawi qmeepah kika pnrjingan mrrawa sapah. Ini kmlii tmquli, ini dhqi ppatas ni ini dduli mquri mnegbalay ka lqian. Ida mggaluk ni mreeru ka qnqihan da. Pusu balay o “ matas ”. Ixun ta eangal knkla, yaasa knkla o kika brax.

現代生活變遷迅速，新奇事物引誘青少年，致使懶散迷失。身為老師人父實在擔憂。家長角色至為關鍵，給予足夠的關愛，培養良好習慣。完成功課。營造適宜的讀書環境，與小孩一同學習。父母的身教猶重，避免酗酒、懶惰、打架、及自大。教導勤勞、孝順、謙虛、節儉、整潔、及持家。懶散則需訓示，勤奮便嘉勉。遇到挫折及困難要陪伴。堅強及智慧從此長成。太魯閣族大都貧窮。唯有勤學才有發展。知識就是力量。