朗聲四起

Paah Yayung Mntudu mquri hunat ni bitaq Yayung Mglu mquri tgdaya ka mkndux bi rnaaw o kika suyang bi saw smdamat Truku. Dxgal nii o msyayung bgurah dara rudan, niqan knsuyang ni knbisan Truku.

Kndsan rudan Truku ga kmburah dxgal muda tmatak ni lmaung, babaw nngalan uqun do lowmun dha ka sudu ni nngalan dha sapuh dxgal. Mssriyux psngayun dha ka dxgal ni musa dmuuy kingal duri dxgal mhuma uqun, kiya o bunga, masu, pgu, basaw ni sari. Qpahun snaw ka tmatak kmbgurah dxgal, tmukuy o qpahun kuyuh kiya, qngqaya djiyun qmpah o wana bi sowki, pucing, parih ni suqu.

Truku o smtama dgiyaq mkan uqun, masu, basaw, pgu, bunga, sari ka pusu bi uqun dha, kana ana manu mneudus kska dgiyaq o kika uqan dha hiyi.

Kska gaya Truku o aji wana ssluhay meudus kska dgiyaq tmsamat, duri ni knkla steetu dgiyaq. Plealay o asi ta klaun bi ka dxgal gaga niqan samat. keerui bi ka tuqir samat, klai bi saw knuwan mtduwa saan tmsamat, ni saw gasil djiyun, mtduwa uqun ka hmnru o klai bi, klai bi ka quyu niqan halus sahu. klai mkraaw ka yayung, smqit qhuni mtahu, knkla smmalu sapah. Murug gaya tmsamt ka emptsamat Truku sbiyaw, srnabaw ni rbagan o ini tduwa saan tmsamat. yaasa srnabaw o tmwawa ni tmquli wawa kana ka samat. Rbagan o lala bi bgihur paru ni naqih ka elug, ini bi biyaw sburaw ka samat da. krpuhan ni misan o kika mtduwa saan tmsamat.duri o asi ka muda murug bi gaya ayus qrunang, nasi ini purug gaya do asi pdduuy baga. Tmsamat o knkla snaw Truku, pnskraya mddayaw Truku uri,mtbhring bi tmsamat ka seejiq o spruun bi qmita seejiq alang uri.

Mcinun brah na o skrigun ka krig, ngalan nuqih, duri ni knqihun maawaray, hpuyun dha qbulit o maabhgay, hpuyun dha qmagas o maasaas, hpuyun dha rnabaw qhuni sraw o maamqarlux, babaw na do ngalun ni snagan dha qsiya mtasaw, phdagun 2 jiyax iyax sngayan. Qngqaya cinun o ubung, qataq, kusut, sntruma, bgiya, kikut, gikus, wahug, cyadan, jisayan, surul, bgiya, gluq walu, dowsan.

Mkla bi tminun ka kuyuh Truku sbiyaw, kika mtduwa ptasan dqras ni musa tuxan hiya, saw nii hnyigan na ka kuyuih o ini klbu qnita snaw mnangal tunux pais spruun qmita.