朗聲四起

Tupa ka madaidaingaz tu, maaq a tal’aian mindikla’in a, nani’in maqtu kaqna’an a is’aang mita. Aupa tal’aianin istaa ka dikla ihaan isiata is’aang siin hubung.

Madia mita sainiduan, paisnanava’an. Haiza masihal, a haiza ka madikla; haiza ka bununa mazima madikla, haiza bunun a nitu mazima ki masisihal, maaq i talmadia’in a, na min’uni’in aipa imita tu tal’aian.

Maaqa masihal tu tail’ai’an a sia ki vau tuki masabaq; tingmut nuum tuki minuqu. Aupa na minaqtung a aisabaqan, na mindaduu ka imita hubung. Tupa dau ka madadaingaz tu maaq a taputudul tu bununa mangangai tu bunun, maupa ki ni’in intaa hubung madaisuu. 

Asa ka hubung mita tu pabisbisukun pakuzakuza. Maaq i miqumisang a, asa dau tu bisukbisuk, sintupa tu katu mangai kuzakuza. Maaq a hubung kuzakuza a mahaipi mamuqu masaingu, aupa pabisbisukun mita kahubung, maszang kikai tu bisukbisuk, namusvai ka avula siin danum, a susan mita mapunda’, natudiipin a kikaia madauzung kuzakuza. ansasuu tu maaq i nii tu kuzakuza, na’uka mita ka sina’ima’un. Paqpun maaq a madaingaz mita mahiqin mita tu asa tu palmaupa’un a qaiqasmavan mita. Nanitu halang mangai.

Ihaanang ata laupakadau ka’ku isnava’an, sia mita malkahaqil a kangausunang mapinsia, malmananu ihaan ka’ku mapasnava ki qansiap siin taiklas, nitu kavavaivi. Katu sisili ki nitu masihal tu iniqumisan, muqaa sisasaa ka is’aang, na haiza tu qanian na mindaduu isuu ka tal’aian!

我們有許多的經歷和教育，按照自己的想法和觀點，日子一久，就成為我們的性格。長輩說貪睡的人懶惰，是由於性格不良所致。活著必須要動，意思說不要懶於工作。如果不使身體有動作，身體會生病的，同時不工作就沒有收入。因此，長輩奉勸努力工作，將來就不至於窮乏。

我們在學校，是要成就課業，努力學習智慧。不需擔憂被別人趕上，只要心志堅忍，終有一日，會培養出自己的良好性格。