朗聲四起

Tupa ka madaidaingaz tu maaq i tal’aian madikla’in a, naniin maqtu kaqnaan a is’aang. Aupa tal’aianin istaa ka dikla ihaan isiata is’aang siin hubung.

Madia mita sainiduan, paisnavaan. Haiza masihal, a haiza ka madikla; haiza bununa mazima madikla nitu siza ki masisihal tu sinkuzakuza. Sanasia ki anak’anak tu is’aang siin iniliskinan, maaq i talmadiin a, na min’uni aipa imita tu tal’aian.

Maaq i masabaq a, nitu sauhaan miqang maqmut tudipin masabaq; tingmut minkailas a, nitu sauhaan sanvaliun a bunun a, tudipin minuqu ihaan sapalan. Aupa na maputul a aisabaqan, na listutudul ihaan qanian. Tupa dau ka madadaingaz tu maaq a taputudul tu bununa mangangai tu bunun, maupa ki nii intaa tal’aian masihal. 

Asa ka hubung mita tu pabisbisukun pakuzakuza. Maaq i miqumisang a asa dau tu bisukbisuk, sintupa tu katu mangai kuzakuza. Maaq a hubung kuzakuza a mahaipi mamuqu masaingu, aupa pabisbisun mita. Maaq i nii ka hubung bisukbisuk a na mihalang mita hubung; ansasuu tu maaq i nii tu kuzakuza, na’uka mita a sina’imaun. Paqpun maaq a madaingaz mita maqasam mita tu asa tu maqasmav kuzakuza, nanitu pavaian, namalisihal miqumis nastu ti.

Maaq a davus una, ikma’aiun maimadadaingaz qabasang ihaan islulus’an, nitu qalmangun quud, matusamu ka bunun pali’uni ki davus, aupa isumsum a davus un haan Diqanin mita. Maaq dau ka niang qainanup bananaznaza nitu maqtu paqudan davus. Laupakadau a Bunun haizin a uvaz’az saduu tamatina ququud davus a, sisili’in amin quud davus, talmamainduu tu bananaz siin binanau’az ququud amin, kinuzin a mintapudavus, mihalangin a qataz, tibuklav, silup, damuunin a kaang, niin maqtu sisdangun i tastulumaq.

Ihaanang ata laupakadau ka’ku isnavaan, sia mita malkahaqil a pinsi’aun, malmananu ihaan ka’ku mapasnava ki qansiap siin taiklas, nitu kavavaivi. Katu sisili ki inata tu iniqumisan, Imuu aipi ispasnava tu tal’aian. Katu miliskin tu na iskinuzan i duma bunun, musqaa sisasaa ka is’aang na haiza tu qanian na minsia isuu a masisihal tu tal’aian.

我們有許多的經歷和教育，按照自己的想法和觀點，日子一久，就成為我們的性格了。

不必到三更半夜才去睡覺；不必到太陽照到人了，才離開床舖。長輩說貪睡的人懶惰，是由於他們的性格不良所致。

活著必須要動，意思說不要懶於工作。如果不使身體有動作，身體會生病的，同時不工作就沒有收入。因此，長輩奉勸必須努力工作，將來就不至於窮乏。

酒對前人而言，是用來祭祀用的，不隨便去喝它，酒被視為談話中的禁忌。未曾狩獵的男子是禁酒的。當代布農族人，有些孩子看到父母一直在喝酒，就學習喝酒了，年輕的男女也喝酒了，到最後變成貪酒者，肝臟、腸胃罹患了癌症，不能成為家裡的助手。

我們在學校，是要成就課業，努力學習智慧。不需擔憂被別人趕上，只要心志堅忍，終有一日，會培養出自己的良好性格。