朗聲四起

Mazima aak malavi inaak tamatina munhaan babalivan-daingaz. Aupa maqtu aak usaduan i manau’az tu lumaq daingaz siin madia vaivivaivi tu qaimamangsut.

Malalabas a bunun ihaan babalivan-daingaz kikilim i nabalivun tu qaimangsut, haiza bununa muqa saduu, a nitu mabaliv, a haiza bununa madia daingaz a binaliv. 

Maaq a babalivan-daingaz a manau’az tu lumaq daingaz palalautu maisnahaan dalaq nastu sauhaan dadaza diqanin. Maaq a bunun makusia ilivita tunlulusqu, manaskal amin a bunun masqaqailang, paqaqainang,

Utan’aan aak masling sinpatu’ia ihaan lapa’ tu sintusasaus, mintun tan’a ki sinpakisniap i babalivan, tupa dau tu matumasqing taintungu tu bunun; muqna’ang dau tantungu. 

Ihaan babalivan-daingaz kunbu’ manaskal naak a is’aang mudadaan, nitu masaingu, nii amin saita’an. Aupa madaing a kazhavan, mintun panpungulin tu makuaq a inata, duuq i mabaqis? Duuq i makazhav?

Ihaan babalivan a, madia a isbabaliv, sia naak ispapatas a asaun abaliv; vaivivaivi a ispapatas, haiza takiTaiuan tu tinas’i, haiza Lipuun siin Kulia tu tinas’i. mananau’az amin. Haiza a nitu maqlis, haiza ka maqlis daingaz balivun. Malungqu aak masipul i haqil, sia naak uvavaz’az tu haqil a kazimaun saduu, mazima saduu ki katuung tu qaningu.

Haiza madaing isia uvavaz’az tu qaqaitmalan, az’az uvavaz’az i’ita qaimal maqusngi daingaz. Ihaan luluslusan mululuslus, lusqaqaia a duma, tundaza dau ki qaqaitmalun laihlaih siin laihlaih-sapuz. Qaitmal i mali-tikis siin mali-daing, maaq a banananaza siza ki busul santatanam mamanaq. Manaskal amin dau ka uvazvaz’az qaimal, sauhaan minsuma’in a tamatina tupa intaa tu maqtuin qaitmal, namudaanin mulumaq.

Maaq i masauqzangin a haiza a kakaunan, mahansum amin a kakaunun, asaun amin zaku maun. Muqa tu sia naak maitanglau a mastaan tu kazimaun maun. Aupa maqtu ukaunan i kinal’ing tu tulkuk pinasaq siin malingsu, quud ki pinudaan kuli tu kokola.

我喜歡跟爸媽去大型商場，這樣我能看到漂亮的高樓大廈，以及許多各式各樣的物品。

有許多人在大型購物場找要買的東西，有的人只看不買，然而有的人卻買了很多。

大型購物商場很漂亮，從平地層層連接到上面。人們都快樂地交談和嘻笑。

我聽見悅耳動聽的歌聲，有時聽見商場說歡迎光臨，下次再來。

我很快樂在大型購物場裡遊逛，不會累，也不會流汗，因為冷氣很強，有時候竟然忘記了外頭的情況，是否炎熱？還是很冷？

在書局裡有很多商品，我很喜歡去看筆；筆各有不同，有台灣製，也有日本製和韓國製，都很漂亮。有些價格不貴，有些貴得要命。我喜歡閱讀兒童刊物，也喜歡卡通。

有很大的兒童遊樂場，那裏都是小孩子們玩耍和喧吵。在溜滑梯、盪鞦韆、坐玩具車和火車、玩球，男孩們拿起玩具槍射擊。小孩子們都玩得開心，一直到父母親告訴他們該回家了。

肚子餓了有餐廳的樓層，裡面的菜色都很香甜。我最喜歡吃的是麥當勞。因為可以吃炸雞腿，喝冰鎮的可口可樂。