朗聲四起

mahima’un qan vau’in nak haip pa qamisan, punmasipatun qan numin cak qamisan misbu’ han pantu’ tikic.

maqa ka kaku’ nam ma antanhan ngadaq qi acang. maqa bukzavan dangi’an unzu’ a madaing, heza’ han micqang ngi madaqvqs sa maqupleq tu dakus, maca vali’an na dangian pantu’ a navung cia paqaqenan. heza’ ita sintas’i lusqeva’an tunloslosan teqazungzungan. taki’ita cam isikili’ maca malukang isnavan, itacam pismali’, muaz tu maca ma’asikin na, madia’a lisav vi dakus minuqasqas, na madia’ a asikun lisav velun matakunav.

iciang ngi lepun na kaku’ nam sintas’i, macihal la kaku’ sadu’an ni, kuci’an ni banhil la kaku’ madas’i, maca maklang nga ni tu maklang, maca makazhav va ni tu makazhav. madaing nga tongkul la, paqesan ni balqat banhil la, maszang ngi danoqan bangkal la tu bangkalbangkal, maca sananata sadu ka, maszang tuza’ i mano’az tu sinhua’ a, unpibangkalbangkla maqaisqais sa puskunun matopdat ta sadu’an. daqdaq qanin tinvevivevi ka sinhua’ han tas’a tas’a tu bangkal, mintun qudanan mintun luhuman mintun busbusan mintun isvali’an, sanacia ki mahuhua tu diqanin tu, na pikoun cia ka sinhua cia haip. qala altupa pikoun cia mahua’ a, maqa sinhua’ cia ka. mano’az tupa sadu’an maca manaskal la is’ang su haip. minitingmut sohan tongquvali, minihan tongquvali panhan pudanun sanavan, tinvevivevi sinidu’an na sinhua’ i diqanin han tongkul ta. sadu’an na pantu’ tu manaskal i’ita isnava’an ni sinsi’. qaltu nitu ismama’z sintataqu ki sinsi’ a, manaskal cam muskun ihan kaku’ ta, laqai’ i tas’a tas’a qanian vevivevi inisnava’an tu iniqumican.

matu tas’a kang man pangka’ a, manam dangi’an na heza’ banuazqezu’, mamaca kapuaqin na masatindoqlac ca sinhua’. matu dusa’in na pangka’ a, antahanin daning’an kucusinsi’, maca minmakazhavin na, maqa sinhua a, muazain panqasuqasu a macuzukcuzuk qulesva’ sadu’an han tongkul ta. maca mal’anoqo han deseq kaku’ a, maqa dangian taupangka’ patpangka’ a, heza’ dusa makupleq qa madaqvas tu banhil laqais si tongkul sadu’an. matu hanin hima’pangka’ numpangka’ a, mulusqu antan nastu a dangian, mano’az za hana sincuaz ita, uka’i qelanqelan han tontukul ta.

今年58歲，離國小畢業46年了！學校位在部落下方，操場內老樟樹蓋住了操場三分之一的陽光，那也是學生的遊樂場地。校舍是日本時期所搭建，夏不熱冬不冷，窗戶大有許多格子，好似一張拼圖吊掛教室！

一二年級的教室前是梅子樹，窗子裡有不同的圖騰。升上三四年級，在操場往教室看，只見窗子兩旁被粗糙高昂的杉木給擋住。五六年級教室移到和操場一樣的高度，教室外没了梅樹的枝幹和杉木魚刺般的葉子，但換來兩組不同組合的花圃。