朗聲四起
izuwa za tja saseleselep kati sapuljaljuyaljuyan a lja kazangiyangiljan a se tjuruvavanitjunitjuk aya, izuwa sikataqaljan a kasivavuwa, manu pacun tua quma niamadju navenangalj tua caicaing katu kerengerengec, nu venali a pasanavalj a pasaviri “qesir” “qesir” aya a qaresiresir. sa puarii tiamadju a marecekelj a mavavuwa a paljilji.
pacunan a kakedriyan a kivangavangavan, “zazangu a nu kaka maya kemacukacu a semacacavalj gemagalj, avan nu nutjaniyen.” ayain nua kina. kamalipat tja marecekelj, “ari vaiki a semacacavalj!” aya tiamadju, sa sevalji ti muakaikay a qemiladjanan, iniya kiqali. paqiladjen sa paljizavi tua makakulakulatan a kakedriyan.
izuwa za ti sakuljeljeljelje a qemaljuqalju a se tjarivavav, pacun tjai muakaikay a natjemengelay aravac, sa sevalji na qali ni kuljeljeljelje, sa vaikan. maquca ta kivangavang a kakedriyan neka nu semumavan tjai muakaikay ka sivaivaik. mangetjez a kina kata kama a kemasivavuwa, ainuanga nu kaka ayain tiamdju, matjatju setjaqetjaqem tiamadju ta ika djemumak tjai muakaykay.
kavenavangavangan tjai muakaikay a kina ni kuljeljeljelje. kavalanga lja nu maqacuvung sun kisun na ku papucekelji tjai kuljeljeljelje aya, ta kisenay a kina, manu meqaca paqulid ti muakaikay. ka uri pucekeljenanga, izuwa za kumakuma papeqaung tjai muakaikay, kelju tjavangu ta suqinaljan, ta su umaq ayain, kemasi su vinaikan patje tucu, ika kemakan, ika temeketekel a su matjaljaljak, nasedjekec anga ta qerengan tua culjaan ta qutjavan tja nu sun, kusiqeljesayan ta kaljuwalaq sa sukaljaluway a kitjavililj ayain. kadjemaljun ti muakaikay sialap ta zaljum a matjaljaljak sa patekeli, sa gacaljanga, sa tjautjavi a sikataqaljan tu izuwanga ti muakaikay.
kamangtjez ti kuljeljeljelje a uri pucekelj tjai muakaikay, matu anema a sikataqaljan a maisuisu , a qemavaqavay , a padjelu tu sikitjakava ta sauqaljay!
有一對夫妻非常疼愛他們的女兒muakaikay。一天，夫妻出門採花，把muakaikay交給哥哥們，獵人見她非常可愛，便把她帶回了自己的部落，獵人的母親收養了她，muakaikay一夕之間長大成人，獵人母親便想把她嫁給自己兒子。
自從maukaikay不見了以後，家人傷心欲絕，不吃不喝。在結婚的前夕，有一隻來往凡間與天上的蜘蛛跟muakaikay說：「妳父母親已經快餓死了，趕快與他們重逢吧！妳就順著我吐的絲，一路走到妳的家。」maukaikay終於回到家，與獵人的婚事也談妥。