朗聲四起

izuwa za tja saseleselep kati sapuljaljuyaljuyan a lja kazangiyangiljan a se tjuruvavanitjunitjuk, izuwa sikataqaljan a kasivavuwa manu pacun tua quma

niyamadju navenangalj tua caicaing katu kerengerengec, nu venali a pasanavalj a pasaviri qesir a qaresiresir aya. sa puarii tiamadju a marecekelj a mavavuwa a paljilji.

pacunan a kakedriyan a kivangavangavan, zazangu a nu kaka maya kemacukacu a semacacavalj gemagalj avan nu nutjaniyen ayain azua kakedriyan. kamalipat tia saseleselep kati sapuljaljuyaljuyan, ari vaiki a semacacavalj aya tiamadju sa sevalji ti samuakaikay a qemiladjanan, sa saneqiladjanan sa paljizavi tiamadju a makakulakulatan. manu izuwa za ti sakuljeljeljelje a qemaljuqalju a se tjarivavav , pacun tjai samuakaykay a natjemengelay aravac, ari tja cakavav aya, sa sevalji na qili ni kuljeljeljelje, sa vaikan. maquca ta kivangavang a kakedriyan inika sumavanan ti muakaikay ta sivaivaik. mangetjez a kina kata kama a kemasivavuwa, ainuanga nu kaka ayain tiamdju, matjatju setjaqetjaqem tiamadju ta ika djemumak tjai muakaykay.

katjumaq a kina ni sakuljeljeljelje ayayay kemasinu cu a nu inalap, nima cu a aljak ayain ti kuljeljeljelje, nia djinumak a kasicacavalj aya temevela, ika pukawui timajdu a papaulingav ku djinumak aya sakamaya. sa alapi sa kisumavani sa papavanavi.kavalanga lja nu meqaca nu maqacuvung sun kisun na ku papucekelji tjai kuljeljeljelje aya a kisenay a kina,manu meqaca paqulid. ta uri papucekeljenanga izuwa za kumakuma papeqaung tjai muakaykay, kelju tjavangu ta suqinaljan ta su umaq ta susikataqaljan ayain, kemasi su vinaikan ika pecevucevuljanga ika temeketekel, sedjekec anga tja tjaina kati tjama ta qerengan ta qusavan ta culjanga ta qutjavan tja nu sun ,kusiqeljesayan ta kaljuwalaq sa sukaljaljuway a kitjavililj aya, ka djemaljun ti muakaiaky sialap ta zaljum tiamadju sa patekeli, sa gacaljanga a matjaljak, satjautjavi a sikataqaljan tu izuwanga ti muakaikay.

maqutjav ti sa kuljeljeljelje sa kipakimi, djumaken itjumaq. sakaljavar ta papucekeljen, matu anema a sikataqaljan ni muakaikay a maisuisu , a qemavaqavay a qemaljuqaljup, a kisavikiviki a kizangazangav a padjulu tu sikitjakava!

有一對夫妻非常疼愛他們的女兒。一天，夫妻出門採花，要其他孩子照顧muakaykay。孩子們想到村外玩耍，於是把妹妹背到哥哥們可以看到的地方。

一個獵人發現了妹妹，見她非常的可愛，便把她帶回了自己的部落。而哥哥們完全沒注意到妹妹不見了。

獵人的母親回家後看見這女孩，問不出所以然來，便收養了她。獵人的母親好希望muakaykay能夠快點長大，這一說，muakaikay就真的一夕之間長大成人。獵人母親便想把她嫁給自己兒子。

muakaikay的家人自從maukaikay不見了以後便傷心欲絕，不吃不喝。在結婚的前夕，有一隻通往凡間與天上的蜘蛛跟Muakaykay說：「妳人間的父母親已經快餓死了，趕快與他們重逢吧！妳就順著我吐的絲，一路走到妳的家。」終於回到家，與獵人的婚事也順利談妥，整個部落在歡愉的氛圍中預備大日子的來到。