朗聲四起

kasicuwayan izuwa segarigaran a caucau, a napualjek tu maljelima. izuwa kaita a qadav, vaik tjamarecekelj a mavavuwa a mavacuk turi tjuguten niamdju, kasemuqaciljaciljay tua siupu azuwa cekelj a vavayan, djemumak timadju tua lima a qarudrarudray, qaleljaleljam nu tja saljiqen maya kina qedjeljeman saka lalipudrupudruwan a kinamalangan. pakanguwanguwaq a cekelj ljuljuin sa pasazuwai ta dradrakuyan(cepeng), sankukuinanga na mareka ku aljak aya timadju a piselem. katjumaq timadju maquca ta lemikezalj ta rematjumaqan sa madraudrav aza pinidradrakuyan(cepeng) a qarudradruay.

masulem taqed tiamadju a tacemekeljan, kasalilimanga matu izuwa dremiredrireng a zemazeljezeljengan a kemasicasav. azuwa cekelj a uqaljay qaqivuin a cekelj, matu izuwa sa caucau i casav aya timdju. aza cekelj a vavayan namaluljay ta sinavavuwan mayanga qutjavan ta rematjumaqan, macacay ta tjengezan. natjikezem ta temevelavela ta cekelj, “kitima djaravaravak i vecekadan nu vengin?” aya, aika ljequ aika qemuzunuzip a ljemingaljingav aya. kisacalinga azuwa cekelj a uqaljay tu anemangata sa ljemingaljingav.

ikacuway paumalj uta ljemingav, matu qivuivu ta “keljan ta ringuway sicavu ta ribubung! keljan a ku aljek!”aya. nu cuwayanga sipaumalj sipaumalj a qivu. tegain a cekelj a vavayan, “pay!anemayamaya cu? caucau angata sa qivuivu”, pasaremumalji a cekelj nimadju ta tegain. ta kisacalinga azuwa a cekelj a vavayan ,izua paqulid a qivuivu ta “keljan ta ringuway sicavu ta ribubung! keljan a ku aljek!” ayaya. kinemenem tiamdju a marecekelj tu anema a siaya, kivadaq ta cekelj a vavayan, “izuwa su inalap a su ljinulju a malayin tu anema ka i vavuwa itjen?” aya, sepaqenetjan a cekelj tu izuwa qarudrarudray a ljinulju, kipakirimu timadju a semakakesan a matadradrakuyan(cepeng), sa vuljuqan a pakaqezung a zuwa qarudrarudray. kasivuljuq nimadju zuwa qarudrarudray, ika nazaleljeng matu tinavelak.

tjara nakuya a qaljezav itjen tua ika nitjen a nemanga!

一對夫婦去田裡耕種小米，整地時撿到五個又圓又光滑的石頭，順手擱在竹籃，完全忘了石頭的事。就寢時，尚未熟睡的先生聽見外面不停喊著：「請把我的孩子還給我！」於是喚醒妻子問有沒有聽到聲音，她迷迷糊糊回：「可能是貓頭鷹、是動物在叫吧！」又響起「請把我的孩子還給我！」丈夫思索著，是不是拿了什麼東西？這時候妻子想起來了，立刻把石頭丟出去，但沒有掉落地面的聲音，彷彿有人直接接住了。

我們不要貪戀不是自己的東西！