Knxalan sayang nirih saw mnswayi ga, ini pntna ka qqpahun tama ni bubu, saan meuyas patas, uxay uri o mangal qrijil, musa snaw eseisil klealang ni klwaan dnii do, asi ka mtswayay. Asi ka dhuq smiyan, smesung ni msangay jiyax do, kika smdamac ptqita cikuh ka msdadan.

Yaku o niqan ku kingal nirih mu qbsuran snaw, paru tru hngkwasan na ka hiya dha knan. Gaga Taypey ka sapah niya , nasi msangay o ida asi eniq alang dgiyaq, yaasa gaga hiya ka smgealu bi mnan bubu rudan. Bubu nami rudan nii ga, sgeluun na kana ka laqi laqi na. Kiya ni nasi msangay dhuq ktru jiyax ka sapah pyasan do, ida nami smkuxul bi miyah mniq alang dgiyaq kana wah!

Yaabi meuyas kska pyasan ka nirih mu qbsuran snaw siida do, wada dsan tama niya eseisil klwaan Amirika da. Paah hiya siida do ini nami ptqita da, ana dhuq sayang, ida mu lnglungun bi ka nirih mu qbsuran gaga. Paah hiya siida, nasi niqan sapah skaya ka muda karac baraw o ida mu lnglungun dungan ka gaga eseisil klwaan Amirika nirih mu qbsuran snaw bitaq sayang.

Yami lqlqian o hmrapas nami nanaq nganguc, ini kbsiyaq do meuray nami da. Siida mkmuduh nami uqun nganguc, kiya ni tseasug nami musa miying uuqun duhun nami. Duma nami o musa rmawah kulu huda, duma o mrmux rpun miying wawa. Hici do qtaan nami ka qnalang hmaan ssama o, saw bi gaga hiya ka bunga, sari, kiya ni slikaw nami mrmux qnalang ssama da.

Plealay han o kmarig nami dxgal, bukuy do wada asi bbili kana ka bubu bunga da, saw nami bi dqowtun kneuray, ini rngii ana cikuh ruwan dxgal ka bubu bunga. Jiyax nii wada nami mtngi ni mqaras bi mkan nuduh nami bunga. Miyah sapah ka tama ruda ni bubu rudan siida, qtaan dha gisu mpdngu ka bubu bunga do, asi kla saw dlaqi ka mnusa mrudu bubu bunga, ini ksaang ni saan mrmux dxgal bubu duri ka bubu bunga.

Dsaw nii ka endaan nami nniqan alang dgiyaq sexual, ya ini shungi endaan nami dnii uri ka gaga eseisil klwaan na nirih mu qbsuran snaw hug?

現代的堂（表）兄弟姊妹，因父母工作、就學或嫁娶散居各地。每適逢節慶、過年和學校放假，才難得見到面。

我有個表哥，大我三歲，也很常住在山上的部落。我有一位非常疼愛孫子的外婆，只要遇到三天以上的假期，我們都喜歡到山上的部落。

表哥國中時，就被父親帶去美國。從此，我們就沒有再見面直到現在，我很想念我的表哥。

若有飛機飛過，我會想起表哥。以前我跟表哥，還有山上的堂（表）兄弟姊妹們生活的日子。當祖父母要去耕作地，總會叮寧我們，擔心我們的安危。

我們發現菜園裡看似有欉地瓜葉，我們徒手挖地，發現地瓜後索性把地瓜藤連根拔起，讓地瓜藤翻出泥土外。那天，大家吃得很過癮。祖父母回到家裡，看到菜園裡的地瓜葉被翻得一蹋糊塗，都沒有責怪我們，還去把地瓜藤重新埋進泥土裡。

不知表哥是還否記得山上的事？