朗聲四起
Knxalan sayang gnirih mnswayi ga, yasa ini ktna ka qqpahun tama ni bubu, ini ktna ka saan meuyas patas, uxay uri o mangal qrijil, musa snaw eseisil alang ni klwaan dnii do asi ka mtswayay mniq da. Asi ka dhuq smiyan, smesung ni msangay jiyax do, kika tduwa tqita cikuh ka msdadal.
Yaku o niqan ku kingal nirih mu qbsuran snaw, wada paru tru hngkwasan na ka hiya dha yaku. Gaga Taypey ka sapah niya, nasi msangay do ida asi iyah alang dgiyaq daya tuhuy mnan, yaasa niqan smgealu bi mnan bubu rudan ka alang dgiyaq daya. Bubu nami rudan ga, sgeluun na bi kana ka laqi laqi na. Kiya ni nasi msangay dhuq ktru jiyax ka sapah pyasan do, ida nami smkuxul musa alang dgiyaq daya kana.
Yaa bi meuyas kska pyasan ka nirih mu qbsuran snaw do, wada dsan tama niya eseisil klwaan Amirika da. Paah hiya siida do ini nami tqita da, ana dhuq sayang, ida mu lnglungun bi ka nirih mu qbsuran. Paah hiya siida, nasi niqan muda karac baraw ka sapah skaya o, ida ku lnglung nirih mu qbsuran snaw, ana bitaq sayang wah!
Pxal, mssli nami nganguc sapah ka yami nirih mnwayi snaw ni qrijil. Pklug mowsa qmpah qpahan siida ka tama rudan ni bubu rudan, hmici rmngaw mnan, “Musa nami tnais Bnayi hunac han, meiyah nami ska hidaw da. Iya usa yayung, iya khmuc tahu puniq, iya… ” msa ka bubu rudan, ksugun nami na mangal naqih utux.
Plealay han o kmarig nami dxgal, bukuy do wada asi bbili kana ka bubu bunga da. Saw nami bi qowtun meuray, ana bubu bunga ini balay rngii cikuh ruwan dxgal uri. Jiyax nii wada nami mtngi ni mqaras bi mkan nuduh nami bunga. Dhuq sapah ka tama rudan ni bubu rudan do, qtaan dha gisu mdngu qtaan ka bubu bunga do, asi kla dlyami laqi ka mnusa prudu bubu bunga, ini ksaang ka bubu rudan, saan na rmbung ruwan dxgal dungan ka bubu bunga.
Dsaw nii ka endaan ni nniqan nami alang dgiyaq sexual, ya ini shungi endaan nami dnii uri ka ga eseisil klwaan na nirih mu qbsuran snaw hug?
我有個表哥，以前很常住在山上的部落。外婆非常疼愛孫子，只要遇到三天以上的假期，我們都到山上的部落。而表哥國中時，就被帶去美國，就沒有再見面，我很想念我的表哥。每當飛機飛過，我會想起表哥。
菜園裡看似有地瓜葉，我們徒手挖地，發現地瓜後索性把地瓜藤連根拔起，讓地瓜藤翻出泥土外。那天，大家吃得很過癮。祖父母看到地瓜葉被翻得一蹋糊塗，沒有責怪我們，還去把地瓜藤重新埋進泥土裡。不知表哥是還否記得山上的事？