朗聲四起

pinungan mu kunaṟal tutux humoṟak ci ṟahka’ ka nabkis ka yaya mu. “ cumingas ” sun ta ita.yaba’ caṟung na sa’ang ka sun“ cuminas” hani kay. cel ki kutux ka mukrakis ma, maktugal ingkaṟalang musa malikuṟ, ini parule’,  lu laxan naha, pabinahun naha moṟow ni yaba’ ni la ma, sunbili’ suniri’ ka yutas ni, maku’ ṟakeh kisli naka yaba’ ni ka mukrakis hani ma. ga, ananak sunno’ suniri’ naka yutas ni, ini cacpang kuncik.ana nak matolax ka sasaing hani ga, tatu’ moh sumuy ka yutas ni ṟali’. ini nak sintariy naka yaba’ ni. nanu’ cubiy mpakhu’il ka yaba’ ni mukrakis hani la ga, sipalawa ni kora’ ka ulule’ ni, matatama’ syaw na ṟahka’ kumaṟal ma“ iya’ caṟung pagagali’ ka ule’ mamu ṟali la kay, talagay ka siniri’ ni itan, iya caṟung rungi’ ka sinbili’ mu”, masu’ kumaṟa la ga, huṟakun ni ka utux pinkegal ṟahka’ na uruw ma, “ aṟat nak pakaramas kay ” ma, yonani’ sinbili’ ci  ke’ ka yaba’ naka’ mukrakis hani. buse’ haṟi’ la, yenak hunco’ moh saṟe’ ci mukṟakis tanmoṟow hani ka mago’ naka yutas na mukrakis hani luṟi ma, matox ci ramas ka kinnanuxan naha ka sun ina’ naka nabkis wal cumingas hani’, patahlun mi pusa’ ki ka ule’ ni kanel, ga, ini ka’ixul ka ke’ na nabkis hiya, ini’kabuse’ pingagalan na ka sasa’ing hani ga, wal mahu’il ka kanel hani’ la. ini’ rungi’ cubay ka ke’ sinbi’i’ na nabkis ong.