朗聲四起

Matudiip tu maqanciapin azak makungulus bazbaz, asat pasnava’ is  inak’anak a is’ang tu, asat makucia ma’az naupa tu qalinga pababazbaz. Maupa’i cia mastauluu qalinga ca iskuciaku bazbaz tu minqanciap tu uva’azang. Ciat mastauluu ka qalinga ca siqailazus tamatina naak isbazbaz taqu zakun, daqat ciat qalinga mastauluu ca min’un it tangausun zaku minqanciap bazbaz tu uva’azang. Minaha’an azak sipulanva’az, sipulantikic sipulandu’uz sipulandaqavas sauhaipi’ masipul, mina’is’ang tan’a tu cia qalinga naak malasbunun dii ca mantan kadutna’un sala pisqancaip a paitasan ha’an sipulan. Na asat minhamung is punpipiia ta’ a pasnava’ is malasbunun a qalinga, masaingung sala ca is’ang malkaciat masipul is qalinga mangki’. Tanam pismantuk tu minaca’an acang is Taivang ti’ ca pindaduus maupa dii kadutna’un sala ka sinkuzakuza mangki’? ucina ciat madadaingaz nita’ ha’an lumaqi’ ca pindaduus mangki’?

Maca makutaiklac pisqanciap is maikikingnas Bununi’ malasbunun, na asat pismantuk tu makua ca tatlumaqi’ palaqanciap pinta’as sinaduu’an ciin sinpismantukan tu, asat ma’az ca qalinga ispabazbaz ha’an lumaq. Uuca ciat

acang Taivang ti’ ca sivavaivi, na asat cia qun lumaqi’ ca pintutuku itun a Bununi’ pisqanciap is inak’anak a qalinga. Uuca ciat tamatina ca sivavaivis qalinga ha’an lumaq, na asat makanal is paitaqu’an a qalinga iskucia pababazbaz maca ilumaq, na mindadun ca lumaqi’ sisilias uvava’az pisqanciap is inak’anak a qalinga.

Ha’an maita’a, makua ca tatlumaqi’ pismantuk is inak’anak a qalinga. Asat matamasaz pintuza’ is inak’anakan nita’ a iniqumican, icia tatlumaq kukuzaun ca malaincun patuqnas qalinga Bununi’ sauqabasqabas.

Ha’an maidusa’, anak’anak palasbunus qalinga ha’an lumaq pabazbaz is tatlumaq. asat ciat inak’ank qalinga malasbununi’ ca tangusun istaqus uvava’az, nanu’ ta’aus malasbunun a qalinga ki’ ca sinqailazun ispabazbaz ca iha’an lumaq miqumic, na maqtu’in ca tatlumaq inta’ a bununi’, sauqabas nii’ tu panpungul is inak’anak a qalinga.

從幼稚園開始到小學、國中、高中，布農族語成了最難學習的課程，又面臨族語認證考試的種種生活壓力，這是社會帶來的問題嗎？還是家庭父母所帶來的影響呢？考慮家庭語言的共識問題，從主流社會的影響下，家庭是學習母語的最佳場所。若是父母的因素所造成之影響，則家庭須規劃，使家庭成員為學習母語的教師。

家庭母語化，從幾個家庭共識：一、全家人對母語和文化的認同，傳承的使命。二、家庭族語的實質體現：母語在家庭中是唯一的。