Iha’an qabas daingazang tudiip, maiza ca takiqabas a qalinga tupa tu, maipia ta’ ca bununi’. Maiza ca Tang’av, Takili’li’, Banbantainga, Ta’amata’, maiza amin ca tupa’un tu Tanqacai. Ma’az dau ca Tanqacai dii ha, makukuis dau ca bantac, qaitu Tang’avang dau kac kini’. Tupa ca Bunun tu takalibus ca Tanqacai mangki’ miqumic. Maiza amin ca makanvaivi ka qalinga kinai.
Tudiipin maca kalalaacin ca sincucuaz is bunun a mama’az, na mala’aminin ca mama’us tilac a luqai’ ciin qamutic, matislun ha’an silasilas qumah. Na minsauqbungin amin ca kukuzaus bunun pusbabais luqai’ maqaipus maduq. Uuca nii’ a, na munngalas qumah ka’ mutmuut cina libuslibus pincias haqu palaqatu’ is qamutic. Na tudiip ca bunun daqdaqaninin makatain is maduq makalibus mahiqaiv is qatu’ ti makuin. Qaltu na makanvaivi sala tan’aun ca saduu’an tu tisbacin ca sinpincia ha, uutu nii’ tu saduu’an ca mama’az ti i’ica, nii’ ca bunun upismantukan tu makua cuna maupa ta’. Uutu minatudiipin manalulun ca bunun tu maiza ca maupa ti’ a qalinga.
Tudiipin tu tinan’a ca Bunun dii qalingas Tanqacai mindidias qamutic, minqanciap a cia tu maupa ta’ qana ca masipul is mama’az. Minatudiipin ca Bununi’ silisili qalingas Tanqacai masimaupa ta’ masipul is mama’az. Ua’ minqalinga’in is Bununi’ ca sinsipul dii tupa tu “ ca, dusa’, taau, paat, hima’, nuum, pitu’, vaau’, siva’, mac’an. Daqat maca paitasan 1 tupa’un tu “ ca ”. maca masipul is mama’az tupa’un tu “ ta’a ”.
布農族人傳說,有很多人種,巨人、小矮人、巨耳人、獨眼人,還有一種叫做tanqacai。tanqacai稱為細腿巨人,以樹林為棲,並有自己的語言。
每逢族人的農作物吐穗,顧小米是族人的重要工作,在小米田周遭樹林裡,架設陷阱來捕捉老鼠,卻不見老鼠踪影。有天,有個細腿腳巨人佇立在樹林間,當他撿起老鼠時,口裡傳來了聲音:Ca’ca’,dusdus,tautau,patpat,himhim,numnum,pitpit,vauvau,sivsiv,macmac……。細腿巨人這撿老鼠算數的話語,被布農族人仿效,之後就成了布農族人算數說法。