朗聲四起

taRbabi semuRap usepat duki, wanma zau ussiq qaRemmaqan na anem niaq saleppawan, taninian nizan niaq ti semaqsaqay, tangi ay saqatiwan mai pa ma imi umatiw, mengiyas qababaw ay sazan, kilim pama tu lazan naqunian ta matiw, setangi nisimsanu niaq tu saqatiwan nani mengiyas qababaw ay sazan, pasaqay tu qitun ta meqasiR ay saqayan na qitun lazan, mai tu qitun ta lazanan, patualin imi temayta tu nitulisan pasani ya lazan, paqanas meqidat ti  deddan qateRi pa ti, semaRuR ti qitun niaq ta meqasiR ay lazan pasa kitut ay lazan, siangatu ti imi kemilim tu lazan. muwaza ti nisaqayan niaq, niana ’nay zin na anem niaq, timangu mai qasiRaRazan ya paqiwasan tu lazan na wanglu, mai azu lazat maRemmaq ya anem, azasan na imi pasa melilikaw pasid mai dasidas ay lazan na bawbi. Raynguan naiq tu qumni sasenipung, mai ti ma qaqayta lazan, seRay wan ma ningu na paRpaRin maqayta, ta niazasan na imi na wanglu, kemukuliseng ta kitutan lazan, zau qalizaqan niaq qaqaytisan kemilim tu lazan qaya, tuRuz na yau lazat qemiwas tu lazan, zau tingzen maRung ya lazan qatiwan ta saqsaqayan zin na, padames ti Raya senipun, maseq ti imi ta ngidan niaq qatiw semaqsaqay ay, ta teqezan tu qitun mai tu qalulusiq qitun, manna mai tu lazat, mai tu qitun ta teqezan na qitun zin na anem niaq! timangu melisaw niqiwas na wangle tu lazan. qenian pasaqay tu qitun melusit ngid imi pasani wi ya ti imi, ngid teqez tanian melabin tanian nizu qanengi, tangi nayau anem niaq qaya, tumqez ti imi hibang.

ta lazanan na taRbabi mai tu temuRes ay, yauzuma yau kintani lazat melaziw semaqay, ta hibangan na taRbabi paqanas imi semaqay, qenian yau iku ta metuRes ay tukayan qemizuan, azu pitemawaR qanengi iku ta senazau ta sasenipungan lazan paqanas semaqay, qanengian na qenabinnusan, tangi mawtu tazian simunang semaqay. ta sasenipungan mekala imi tu paya na lazan, qinunungan niaq niqiwas na semaqay, mezaki ti qawka maqayta sasaqayan tazian, matayta niaq maineb tangan na sasaqayan zau, menanam ti imi matazay tu nazau, matanaq ti imi. ngid taytayta tu zuma ay, mai muwaza kenasianem na anem niaq, Raqana ngid imi pasani matiw ti imi, melaziw tu kitut masang ay lazan, masang ay nipaqiRian leppaw, muwaza nibaliw na tu masang ay qaqanan, tumqez ti imi kemilim tu tatezuma ay qaqanan, nazau ma melizaq ti imi saleppawan.

一家人喜歡探險，靠這份熱忱走遍海角天涯。清晨四點鐘，往既定行程及目的地出發。這次的目標是微笑天橋，結果導航還真不可靠，把我們帶到彎曲又顛坡的小路，在小路上繞了又繞。雖然不知何時起的大霧，只能看見路樹的輪廓，也並不在意。對於長期住在市區的我來說，如果每天清晨能在這樣的濃霧中散步，是多麼幸福的一件事。

我們開著車順路到處看看，經過老街就繞一圈吃小吃。一家人還是很高興地邊走邊聊，沒有干擾心裡沒有太多遺憾。