朗聲四起

pitasaw mezaki ti tu paskua na busus nani qaybabasi semisinap ti ti tina tu leppaw, semanu ti tina tasu tasaw qaybabasi semisinap ita tu dasam padetasu tu leppaw semuna tu paskua. qenian nizu tina ku paqenanem qaybabasi semisinap, wanayka Raya ti tasaw ni tina, mai ti tu azu masang Raya uRat na seRay nengi izip na, Raqana tangi, niz ti aiku manmu tu tina qaybabasi semisinap tu qaqaytisan ay seRay zinnaq ay kelawkawayan. ta ngayaw na, munna imi semusupas tematalin tu Ribang na leppaw seRay seminap tu tipan, ipilan ta azu mai tu niana kelawkawayan zau, aiku ti simliway manmu qaybabasi semisinap qawka suppaRan ku tu qapilayan, Rusiangatu pisapatan ku qabasi seminap, semanu tina ku, qaninanan nani maqezi ta tanian siangatu, pasanian ta tematalin Ribang na leppaw, muman naqunian ta paqangi seppaw, mangay temabal tu lazan qatapiRaw temitibuq pa Ribang, azu mai paqangian ta seminap, semupas ti tu tipan niz ti mezuzukat temibuq ay buqes, usisiqan ta ti kizamet ya buqes. masang umatazy ti iku tu nazau, Raqana suppaRan ku ti qangid qaybabasi simisinap qaninanan naqunian ta siangatu.

iku ta babaw qawka, tebes iku tu ussiq maRung maqezi ta sammayan Rusu mala tu zanum qaybasi, usisiqan ku qaybasi ya dengat, qaybasi tu dengat qasatawaRan mangay temibuq pasa libeng, azu nengi pasaRuan dengat, mai iku qanazau pilay. mulepun qaybasi tu dengat na temunaw, muman nani sasiti sukaw qaybasian ay dengat na sammayan, wanayka nengi paseniz qaybasi, dengat na qinpan nizan ku paseniz qaybasi, dengat na leppaw niaq nizu RaRaya ay, qaybasi tu dengat qataRawan na uRu ku. niala paseniz dengat zinnaq sukaw qaybasian, sammayan nani tina ku qaybabai ay, pasa babaw pasa libeng mezaqis, taytan ku qaqaytisan qalaydawan. muman nani supas ti tu tipan, qananaman ku ya sasupasan tu tipan, pataz iku manmu semupas tu tipan, Rusiangatu nipaqangian ku ti munna semidap Raqana simunang iku semupas. RaytuRuz nani qaybasi tu uzisan, mulepun ti meniz qaybabasian sisinapan. aiku seRay tina ku qawka maken paskua ti.

每年農曆年前，媽媽會大掃除迎接新的一年，但媽媽年紀大了，體力沒有以前好，所以現在由我來幫忙做比較危險與粗重的工作。剛接手幫忙的我，聽起來很簡單只是大掃除，媽媽卻說過程很重要，移動家具擺放位置不對，在大掃除時，可能會擋路被碰到全倒了。

接著是清洗客廳的窗戶。要爬上去注意不讓自己從三樓摔下去，我家的窗戶全都是大窗戶，最頭痛的是洗廚房油膩膩的窗戶。我與媽媽每年農曆年前一定要做的大掃除，表示真的過年了。