朗聲四起

yau iku ta taypakan binnus, qenikiyan niipil ku seRay nisinanam ku tu sikawman nizu temanhulam, wanma suppaRan ku tu yencumin ya tama ku, busus ya tina ku, temaqsi ti iku tu kitut taqsian, punangan pa tu sinanaman tu sikawman na yencumin, ipilan ku tama ku qawka suppaRan ku kebalan aimi. punangan ti iku tu sinanaman tu sikawman na kebalan, pasi zuma ya sikawman zau, Rusiangatu melilizaq iku sinanam, temanan saleppaw matayta ku ti tama ku, mai ti iku tumqez mipil tu tama ku sinanam tu sikawman na kebalan, nengi nisikawman ku zin na tama ku.

temuzus tu temaqsi ti iku tu kuocung, temud tu sikawman na kebalan ya patudan, semanu tu qalabuan simsuqas tu sikawman na kebalan, maw qalizaqan, wanaka taytan ku saliyaman meRetut ti iku, maRung nani muwaza qaya, mai pama iku muliyam ay sudad na kebalan. ussiq ussiqan na iku na patudan na kebalan temud meliyam, semanu tu tanian melisaw niliyaman, qatemu nilidam ku, azu Raya lidam ku meliyam, kasianem iku qaRayngu iku zin na anem ku. ussa wanma Raya ay usepat tepuluk saliyaman simsukas, yau pama saliyaman tu sasekingan na nisazemakenan tu sikawman na kebalan. ta taqsian yau pama saliyaman tu zana sataqsian, muwaza sasekingan qaya, qanamu tuzusan na anem ku meniz, unnay siangatu sukaw ti qenaRputuy ku, mai ti tu hibangan, mai ti tu sapalanan tu unem, melipay uzusa hibangan deddan, menunu dadusa tasaw, pussan ku ti ngidan ku ti sanga, mai ti tu qalizaqan na anem ku sinanam tu sikawman na kebalan, siangatu ti iku mippes sinanam tu sikawman na kebalan, ngidan ku lapus, ipilan ku yau zuma ay yencumin kaput temaqsi, qalabu pa simsuqas meliyam qaya zin na, kasianem iku mai maytis ’daq niana qaytisn zin na amem ku, semanu iku timaikuan tu “padames ka naRin mesukas”. siangatu ti simsuqas ta saqayaw ay bilbil anem ku, timangu tuRuz na mala iku tu saqaussiq nangn, melilizaq iku, melilizq taqsian seRay pinileppaw ku qaya, semanu ya taqsian tu qalabu iku tu zana lawlaw meniz ay simsuqasan zin na, padames pa iku sinanam, padames pa nengi nisikawman ku qaya. simsuqasan tu sikawman seRay sekingan tu nisazemakenan tu sikawman mezazaki deddan na, Rayngu ti iku metawa, temuzus ti tazian nisaqay ku, ussiq ti ma anem ku “padames ka” zin ku. tuRuz na, mala iku simsuqas tu saqayaw ay nangan, mala iku tu nisazemakenan sunking qaya.

我出生在台北，爸爸是原住民，國小要上母語課時，才知道我們是噶瑪蘭族。剛開始學得很高興，回到家就不停向爸爸請教噶瑪蘭語。

上了國中，族語老師說要參加族語朗讀競賽，原本很高興，看到朗讀稿時嚇到了，族語老師一句一句糾正我的發音。那時還要準備族語認證考、學校的考試，我有點想放棄，但聽到有別族同學也要參加朗讀競賽時，我想別人能我也可以。最後得到全國朗讀競賽第一名，族語認證考也通過了。