朗聲四起

temaqsi ta taqsian, mazemun ti qenanaman ku kaput, seRay niz ti nengi ay kaput temaqsi, ta meniz kaput temaqsi, simqanengi ay timaiku nani ti utay. patapunan na imi na patudan kinnawsa seminap tu sasinapan qawka imi padames simqananam, ti utay nani mai ma melizaq sikawma, taytan ta qemuquni nizu paqenanem aizipna, yauzuma melimek miRi siRaRaz tu lizeng na pispis, azu kasianem tu lanas. mai ma matapun tu kaput temaqsi, ta zaisan na qumnut uu melizaq anem na tangi Raynguan ta, Raqana mai ma kemilim kaput temaqsi timaizipana. patapunan na imi na patudan seminap tu sasinapan, Rusianatu melaydaw iku, matapun ti iku timaizipana qawka suppaRan ku nengi sikawman aizipna, mai muwaza ya sikawman na, wanayka suppaR kasiane tu naquni qawka qanengi timaikuan, nengi waway na, mai pama iku sikawma tu panmu iku, munna ti manmu timaikuan.

maqezi ta unnay siangatu pataz ti imi sidadak mawqRat, padames ti imi simqasuppuR simqanengi kinnawsa, qalizaqan niaq seRay qipesan niaq ay lanas, timangu nizu sasetaR, sasetaR nitaytan niaq seRay sasetaR nikasianem niaq qaya, wanma yau ussiq tatezuma qalizaqan ni utay ay, melizq aizipna mipil tu kungku na kuwit, temayta tu kuwit ay sudad, yau qaya ta niipilan na yau tanian sakuwit melizaq aizipna matiw temaytay, azu maken ngid tayta tu kuwit, pataz pakungku timaikuan tu nitaytan na, taytan ta azu mai ma sikawma ti utay, wanayka pakungku ti tu zana kuwit mai ti tumqez sikawma, muwaza ti sikawma na, kasianeman ku pama nisanu na timaiku, suppaRan na qumni duki pasani temayta qatayta kuwit, ipilan ku pameng ma iku metawa, pasasani kenasianem na, kingan ku, qawqawman iku mipil tu kungku na. ussa wanma kuwit ay kungku, sanuan na iku ni utay tu naququni ay sudad qatawan nengi taytan ay qaya, suppaRan ku ti ussa wanma zana taqsian taytan ta sudad, qanengi ta temayta tu zuma muwaza nengi timaitan ay sudad, azu yau lawad, matiw ti iku sa leppaw ni utay temayta tu sudad, simsanu tu temaytan tu sudad zau naquni kenasianeman niaq. yau muwaza niRasa na tina ni utay tu qaqanan, pilay ti imi temayta tu sudad, kemilim ti imi tu yau niana qaqanan, simqanengi ay kaput aimi, maken nengi timaikuan, azu muwaza ti qenasuppaR ku qaya.

    utay是我最要好的同學。我們被分配在同區域打掃才認識的，他不太喜歡說話，他都是一個人，很少和同學互動，臉上看不出任何表情。剛開始我擔心他很難相處，在一起後才發現話不多，可是很好相處，總是主動來幫我。

從那時起，更加認識彼此，我們的喜好、想法也很像，只是他有一個興趣很奇怪，喜歡鬼故事，平時不多話，說到鬼故事，就有說不完的故事。他還會介紹有趣的課外書，只要有空，我就會到他家一起看書，我很像真的懂了很多事情。