朗聲四起

kasianeman ku pama yau ussiq deddan qangid qatiw sa taqsian, azu mai nengi ya saya ku, zinnaq uRu ku, kasianem anem ku pasi sessenan ti iku siyu! qenikian mai iku qeman tu iyu, azu metaRaw mai qenideddan nengi ti iku, mai ti ta aneman ku lazas zau, matiw ti iku sa taqsian. maseq iku tu taqsian, azu padames ti zinnaq lubingaw uRu ku, qawka suppaRan ku setangi deddan mai iku qasimunang. qatuzus pa ti tu tuttu, padames ti taRaw uRu ku, unnay Rayngu ti iku miRi, melaziw kaput temaqsi taytan na iku saRumzang azu metaRaw ti, mipil timaiku qapanmuan matiw semanu tu patudan ni, naRin mai iku naquni zin ku, qanan ti satuttu pawRat iku ngid qeman, wanayka azu iku qeman tu tepuluk, mai qalimmez ya ’may, tuRuz na muti ti iku, pasa kinil uRu ku muti ta melanayan, mai ti iku kasianem yau uu mai kaput ta kinilan melaziw, mai ti tu nianiana ta uRuan ku, nizan ku muti niqanan ku satuttu. pamemeng iku nazau, meRetut Runanay ay kaput ku temaqsi, medutiq pasa kinil maytis qautian ku, yau a tazungan ay kaput temaqsi baluduq, tuRuz mawtu ti patudan, tuluzan na kaput ku temaqsi pasinap tu niutian ku, tungawan na iku na patudan paising, sanuan na patudan ya tina ku, azu meRetut melalazuk tina ku mawtu, sikawma patudan tu tina ku kikiya qawka temana sa taqsian patudan.

記得有一天上學前，我頭有點重，心想就算不吃藥也會好，沒放在心上，上學去了。到了學校，頭重頭暈的狀況逐漸加重，快到中午，我已經無法站起來了。同學們看到我滿頭大汗，要去跟老師說，我婉拒了，午餐時間，我勉強吃飯，覺得像在吃紙。最後把吃過的東西全部吐光。老師送我到醫院，又通知了媽媽，老師跟媽媽說了幾句話，就回去學校了。

醫生說要等三天才檢查出病因，我聽到嚇一跳。最後醫師說我得了流感會傳染，完全好才能回家。