朗聲四起

kasianeman ku pama yau ussiq deddan qangid qatiw sa taqsian, azu mai nengi ya saya ku, zinnaq uRu ku, kasianem anem ku pasi sessenan ti iku si yu! qenikian mai iku qeman tu iyu, mai qenideddanan nengi ti iku, mai ti ta aneman ku, matiw ti iku sa taqsian.

maseq iku tu taqsian, azu padames ti zinnaq lubingaw uRu ku, qawka suppaRan ku setangi deddan mai iku qasimunang. qatuzus pa ti tu tutu, padames ti taRaw uRu ku, azu Rezangzang ti ya bedes ku qaya, wamayka mai metaRaw, unnay Rayngu ti iku miRi. melaziw kaput ku taytan na iku saRumzang azu metaRaw ti, mipil timaikuan qapanmuan matiw semanu tu patudan ni? “ wanay ” naRin mai iku naquni zin ku, qanan ti satutu pawRat iku ngid paqangi madded qeman, wanayka azu iku qeman tu tepuluk, mai qalimmez ya ’may seRay tamun, ngid ti iku uti. tuRuz na maken muti ti iku, pasa kinil uRu ku muti ta melanayan, pakedadana yau uu mai kaput ta kinilan melaziw, mai ti tu nianiana kenasianeman ta uRuan ku, nizan ku muti niqanan ku.

pamemeng iku nazau, meRetut Runanay ay kaput ku temaqsi medutiq pasa kinil maytis qautian ku, yau a tazungan ay kaput temaqsi baluduq, tuRuz na yau ti patudan mawtu, tuluzan na kaput ku temaqsi pasinap tu niutian ku, tungawan na iku na patudan sa ising paising, sanuan na patudan ya tina ku, azu meRetut melalazuk tina ku mawtu, sikawma patudan tu tina ku kikiya qawka temana sa taqsian patudan.

semanu tina ku timaikuan palana tu nikinsa na ising qawka qasuppaRan tu niana taRaw ay, pasi palana tu utulu deddanan qawka qaniz mezukat nikinsan, ipilan ku meRetut iku, qenikian metaRaw mai qeman tu iyu nengi ti ku, manna qizuan pama tu utulu deddanan qawka qanengi temana? ta isingan Rayngu qemunquni, Rayngu ti masulun tu kaput temaqsi mawRawRawt, pemukun tu mali, wanayka mai ti sudad tu sasudadan na taqsian, qanengi maynep tu utulu dedan, kasianeman ku azu mai mesukaw. wanayka ipilan ku ising semanu tu tina ku pasi qatenes qemizuan ta isingan zin na, meRetut tina ku mipil, manna ti ya! semanu ya ising sitaRaw iku tu qatatalin qananaz ay taRaw zin na, azu mai pama maken nengi, qasukaw melusit temanan, pisapat melusit pasi qatatalin qananaz ti tu mazemun ya taRaw ku qaqaytisan, mipil ti iku tu sanu na ising tenes qemizuan ta isingan. qusazui qasatwaRan ya izip mai pa metaRaw tu naququni ay.

我記得有一天早上上學前，我的身體狀況就不好，頭有點重，不過我想應該不會有問題，就算不吃藥，過幾天也會好，沒放在心上，上學去了。

到了學校，頭重頭暈的狀況開始逐漸加重，快到中午，頭開始痛，肚子也怪怪的，那時我已經沒有辦法站起來了。同學們從旁邊經過，看到我滿頭大汗，問我要去跟老師說嗎？我說：「謝謝，我沒怎麼樣」，午餐時間，我勉強自己坐直身子吃飯，只是覺得像在吃紙一樣，難以下嚥。最後吐了，把吃過的東西全部吐光。

男生嚇得跳到旁邊，女生直接尖叫，老師叫其他同學處理我的嘔吐物，送我到醫院看醫生，又通知了媽媽，媽媽匆匆來到醫院，老師跟媽媽說了幾句話就又回去學校了。

媽媽跟我說要等醫生檢查出來才知道病因，可能得等三天，我聽到嚇一跳，為什麼還要住三天才能回家？在醫院什麼都不能做，可是不用寫功課，又可以睡三天，很像也不錯。醫師說我得了流感會傳染，我只好聽醫師的話。以後要注意身體健康不能再生病。