朗聲四起

ulra a sinbung mararengay da ulra sasa kumuing a vavayan, marama’ida’idang kataw i ruma’ di intaw sasa na micepa mikada peniya i ruma’, kana sawariyan lra kuwaaleng i tainataw di mau intaw na mareanger i savak, mulra tu vangavangan datu kiyakarunan di mavangavang pailran kani tainataw na pida lra ’ami kuwaaleng.

ma’idang lra tu ’ami di adi diya mituruma’an, mau na kemadu awlra di, marekakuwaceng lra tu pinidadekan, adi lra kirungec, adi lra kiseker kantu ulepan pailran kani tainataw, di mapalak lra awlra, piya venavalray kanantu pakadalram kanantu rinuma’enan datu kinapalak, di nantu ivavilin na zaysang, di mutilu’ lra i ruma’, mukuwa lra mena’uwa i tainataw mu, madakedak lra di ma’ulid kemudaya tu vangavangan, tu saduwan anger pakirev cemacangis, inakuwaya ku alrak kema, di ngalayaw ku kema awlra di, kurelrang mutiru’ kema lra tu ’udal na lralrak. padingwa lra kana kinsas.

meredek lra na kinsas mu, mureput lra tu iangad, kema na sinbung.

nu mena’u ta kana kemani na kalramanan mu, sadu ta anger mu! kanta i Tawan harem na marekakaduwan lra na dawdawan mu, kinakuwakuwa lra kani i kanatar diya kema, adiyu diya uniyan diya na ciēnpaw mu, na kalramalraman diya na cau mu, uniyan da paisu kipucemel tu kuwalengan di, na ma’idang lra tu ’ami na dawdawan mu, kemalrawa lra tu ka’inavayan nu aydan. semalra kaytayan na dawdawan adiyu diya.

palru harem lra kanta i Taiwan mu, ulra lra na micepa karuwa pulralrang kana pusavak da valray tu kiyaamiyan da pailranan nu aidan da pida tuki kana dawdawan.

di na kemani na adi kiseker lra datu kalramalraman mu, adi lra mutatulu’ adi lra semavutay datu dadek.

曾經有一則新聞報導，有位公務員身為家中長女，一肩擔起照顧年邁雙親的重責，已近中年，仍未婚，在工作與家庭責任壓力過大之下輕生了，而母親在悲痛之下也跟著女兒輕生了。

台灣老化的確是全球之冠，雖然生老病死是必經之路，照顧父母卻是身為子女的責任，但如果兒女一旦要為生計苦惱，又要擔心如何照顧已年邁多病的父母呢?如今政府也為此事設立了補助專案，讓有需要的民眾申請，減輕家庭負擔，也減少因長照問題衍生出的人倫悲劇！