朗聲四起

adawilr mu, kinger ta lra kantu lrengaw na sepika, mau na micepa venavati marengay da “ini na venasevas da lralrivuwan mu, mau inta na Pinuyumayan diya tu kinapadangal di salaw kinase’er ini na cungucungulran na palalisiyan. semalra na melri diya nanta dinkalranan, di na duwa mudadangiya na cau mu, tarekilrivak nu penalalisi mi, ulaliki diya dika kani a! di parepengan diya inmu na kadu diya kani ay? amana diya likeliked. irayan! lrayuwan!”kema.

di marengy diya “nu adi diya pulapus venasevas kana lralrivuwan mu, inmu na kadu diya muwadu kani mu, marelranga ta kana rahan pusaninin kantu kinasaduwa da anger, ta duluusaw ace’alra datu nanayan i anger” kema.

piya marengay pureha lra na rahan penalisi, mengangadir di mararengay kana lralrivuwan, lremalritek datu anger awlra, patawar marengay da “ai” kema ta mu, adi ta maruwa semaseker malalup kanta sepelran, di ta kudayaw i iman na karuwa muliki da paluwadayan diyamaw,, kema di “amana lra kemadu pakaaludun da anger, ta kiyaangeraw adiya palavat data piniangeran, adiya remanak data pinidadekan, dikaya mulavat da nanayan anger! ” kema marengay pukedang kana lralrivuwan.

kemadu talrima ta da nu piya venasevas kanadu na lralrivuwanan mu, karuwa lra pusaninin datu aludunan da anger, kimirakad lra cempa da vekaran.

harem kanini na kemani kana kinapadangel da palalisiyan mu, tuy lramanan kanta na temuwamuwan maruwa ta diya mutusaruma’enan, di pinuvatiyan ta da munayun ta marekasahar marekalraman.

ta ukasayaw data piniangeran, maretukuda ta musa’ura ta, di rekeda ta dekalr.

除喪祭是卑南族部落最為莊嚴虔敬的祭儀，現場的觀光客在儀式進行的過程也暫時避開，在場所有族人保持安靜。在頭目的為喪家除喪之前，希望在場的各位能以感同身受的心情，跟著祭司一起安撫他們受創的心靈。

祭司開始一邊念祈禱咒語，一邊對著喪家輕輕地安慰著，了解喪家的悲痛，希望喪家明白這一段傷痛期是正常現象，不要太過悲傷與勞心。在這莊嚴虔敬的祭儀中，祭司祈求著在祖先的庇佑下，大家仍能成為一家人，團結一心，互相幫助！