kasede’an lra kana vuceliyan, misaharan mi kurelrang kana ma’idangan kikarun i dekalr.

harem kanini na wari, tu pilralrangaw mi na sinsi mukuwa kanidu na patulre’ay ta tumungur i lrevek na henan, pinungadan kana Macukulr, kinuwa idu na henan.

pakunamuni kimipiya nanmu vavalrayan di kadika lra pulralrang maduk da varasa’ di semalem da varetenuk. kema na sinsi kaniyam.

na sinsi maranger panadam da ’’patalram semalem! di maumalr diya kanini na dare’ tu kedang! di pakumauwa datu inuvaawan kanta na dare’! kema. madalrama kananta kakuwayanan, di mena’uwa kantu kedang nu marepulrapulrang ta, di madalrama tu i pueman kanta ini na kaniyam cikiw, di su’erama mu kananmu kinalralrakan, di nanmu kinakawangan, ulra kemani kana asavak da pauwayan’’. kema na sinsi.

naniyam kinasemangal mu, mau nu muicas ta kanantu tulaku na sinsi.tu patawalay pakawang paseki di, kadu mi i likudan kana paliding, pakirev mi semenasenay kantu ipanadam na senay kaniyam na sinsi, marekatamuni naniyam senay, mulavat diya kana muwa’uma na cau i dadalan mu, mena’u ta kanadu na ma’idangan tematuwap kaniyam di kikakarun diya kantu vangavangan, nu mena’u ta kana kemani i ’uma’uma mu, tatena’ da kasahasahar!

kingkinger mi diya tu vinavati a vativatiyan na ma’idangan, misaharan mi kinger kantu vinavati na valri, venavati da kinalralrakan kadu kani pida ’amiyan datu kinacure’an palru harem adi malaalup tu inlrangan diya.

ta kiyangeraw adiyu diya lramu sadu tu piniareran da talralrimayan da nu kadaidan lra kema awlra!  kemadu ku piniangeran harem.

kemaya ku daku rinangeran harem, kadu ta kani i Macukulr tumungur ta da lrevek, di tumungur ta padawilr, nu kadaidan lra kana ’ami mu, karuwa ta diya murepun duwa kani awlra?

寒假到了，在部落我們很喜歡參與大人的活動！

今天，老師帶我們到望海的山坡上，除了要寫功課，還要幫忙整地種小米及種植果苗，老師說：讓我們體驗農業及大自然的關係！體驗土地的生命力！更能認識自己的文化、大家能了解互動帶來的力量，也讓我們認識地球的資源、珍惜在我們的童年記憶裡，曾經是那麼深刻。

最讓人歡樂的事，莫過於坐上老師的小貨車，慢慢往山坡開去，我們一路唱著老師教我們的傳統歌謠，越唱越大聲，每經過田園邊，就會看見一面工作一面向我們揮手的老人家，此刻的田野風景實在是趣味十足啊！

想著當年那些曾經承載著的是他們的希望與夢想吧！我想我目前也是這種想法吧！在駝背山的此時此刻，眼睛遠望著大海，心裡卻遠遠想著未來，想著再幾年後的今天，我們是否仍能在此相聚呢？