朗聲四起

izua za kacikacing, kitjavilivililj ta kina a djemekuac, manu mazeli sa qivu ta kina mayatucu “ kina, akua nasemevalj itjen tuca udresul sa sadjelung a keluljung? ”

temevela a kina “ aya tua neka nutja cuqelalj a namiceng tua tja kinacavacavan, saka amin a djemekuac, mavan nu tja sigalju, manasika nakuya neka nu tja keluljung. ”

ljakua maljia qatjuvitjuvi neka nu cuqelalj uta, inika djaljav, awa inika semevalj tua keluljung? selevelev ti kacikacing a kivadaq ta kina. patevela a kina mayatucu “ ayatua aicu a qatjuvitjuvi uri masan kadjiadji(kalabiabi/ kalazuazung) timadju, izua kalevelevan a paljakev tjaimadju! ”

sa azua qatjudrai namaya neka nu cuqelalj, inika djaljav a mekelj uta, inika masan kadjiadji(kalabiabi/kalazuazung), awa inika semevalj tua sadjeludjelung a keluljung? saljinga sakamaya ti kacikacing tua zuma, patjaizua kivadaq ta kina. djemeli a kina sa qivu “ ayatua azua qatjudrai ljetaladj tua qipu timadju, izua kadjunangan a paljakev tjaimadju pai! ”

manu, qemaung a pasiqaca ti kacikacing a mayatucu “ sa tima numaya lja uri paljakev a kiljivak tjanuitjen? neka nu tja tjaljiqacaqaca a kalevelevan, neka nu tja edremedremel a kadjunangan aya! ” azua kina neka nu kai sa seljudrung timadju izua….

izua kai a mayatucu “ a tja kinaikacauwanan, izua tapuluq a alu a siva sakamaya, inika nasekanavalj.” gata mapida zua caucau a napuvarung sa kikamanguaq tuazua ita drusa? siayanga titjen a kakedrian, tja salasaladj a tja kivauvauvaljan tua nemanga, nu pacun itjen tua nemanga nua zuma, sa neka nu nitjen, inika ken a venala tuazuma aya itjen, saqetju a tja varung, kipaseturudj itjen, madjulu a sadjelung a tja varung, inika tjen a masalu tua tja ginaugav a kanitjenan a manguaqan, sa patjaizua tua tja levan, sikuda vaik a pacun tua nitjen a nekacan, avan a semupu tua tja nanguaqan, sa tjen a namasalu tua tja kinaikacauwanan.

 

 

小蝸牛跟媽媽抱怨，為什麼要背又硬又重的殼？毛毛蟲也沒有骨頭，也跑不快，為什麼不用背著殼？蚯蚓沒有骨頭，跑不快，也不會變蝴蝶，為什麼不用背殼呢？小蝸牛總是羨慕別人地問著。

人生不如意十之八九。但有多少人能有真智慧去享受那如意的一二呢？特別是青少年時期，同儕模仿學習，別人有的東西自己沒有，便覺得不如人，自卑的感受容易陷入不快樂，無法覺察擁有的美好。我們要能夠數自己擁有的部份，建立一個正向且知足的人生。