朗聲四起

ku Twaumase sabekace ki gahumahase, kadruwa ka wabekace ku drapaleini, ai lukapa ikai daedae, ku hidaha mahahamau ki alaulai. yakai la avaivai, laceele sanaka tuadrapale ka udryudripi, mahyahidahe iniya lulrabuwale, lapakamalisi ku kidremedremeini, sipathalra myaikai, ihi! laibekace ka sakalra ku drapale lakuni kahidahe. lakituibi myaikai ki Twaumase , Twaumase! bwadhaili ku drapale ku sialribate ki drumana ka udryudripi ku kalrana. ku Twaumase lapalraingi iniya.

ku Twaumase amalra ku makakakalra ku drapale picucubungu ki gahumahase, pangilralraingi ku nau alraiyaini. kau gahumahase lakisasuahau malra inya ladrapale si dakipi pikai ki kinaumasaneini, tualai ki aulru pakela ki tauthu, sakadruanga ku tasakaiya yasadra. madralru ngicaceele inya kiasiete ki drapale ka kinaumasa, kihagai ngikakauhiva, kaiasasaa aidulruaku lruabuwale myaki lraili tuvesevese !

ai, sapathagili naupudrapalemiya, kadruwa ka makahuthuku inya ladrapale. kwani ladrapale mahibihibici ngipapudrapale ku taliyanelini, kau gahumahase lu isaseleba si silakaeaea ku kidremedreme, aimakadulru huthuku inya ladrapale. ku adulrua papucucubungu si kai masasukilrikilri. samiyainya, malaalalrange lu dadavace.

kay tahaungdu, kadruwa ka wathingale kalrigili sanaka ungduu, wathingale patupapalra ku suadalepe iniya si isamula kicakuwa, alamaka tahumaha ku madru ngualai ki takisamulaneini.

據說上帝在創造蜈蚣時，並沒有為牠造腳，但仍可以和蛇爬得一樣快速。但牠看到其他有腳的動物都跑得比牠還快，也向上帝求，希望擁有比其他動物更多的腳。」上帝答應了。祂把好多腳放在蜈蚣面前，任憑牠取用。蜈蚣從頭貼到尾，直到無處可貼了才停止。但是，等牠開始要跑步時，才發覺自己完全無法控制這些腳走得比以前更慢了。

上天造人各有其才，不要羡慕他人的優點，他們不是天生比人強，而是懂得開發自己的優勢。