朗聲四起

unaku madadalamenganaku lu ataibalribalriva, wadulrumadu wapece pakela ku tapakamiyanemadu, kadruwamadu ka aingidrakale ki eneme ki tuki ki mialrealre muhumuhu si taumaca, kadruwamadu ka aikahacange tukualre, kahacange ku amugakua.

lu ataibalribalriva  wadulrumadu tuma ku nautuma iyamadu, kadruwa ka ngyalrau lu ikaiya gaku, twakaenene ikay ki alruunu silrigu ki hungu, pwacase ku apacasa, pwacase ku sapatuthingala ku nikibulruanenga-- ka thathatha ka matikiyangeange ki aulru ka latwatumana.

madalamaku lu ataibalribalriva, sana tulrepengemadu ku kicunumadu ki gaku, wailuku naiya avaevaehe ku ama si ina, yakai lu iluku naiya siavava ki iga, yakai lu iluku naiya mwaki tahungua ceele ku hungu, lwangai ku hungu, yakai lu uwamadu ki timu lwangui. ai, ku matikihahagainga, amani lu makanaelrenai ka wacekecekele mulregelrege, mwaki cekelenai Labuwa ceele ki kaingu, la ikai lregelrege isulai, eene ku kaelrea adaili ku tikiya, ai ku taiya ki ina amiyaikai, pakihamau ku igayga sa alrulainai, siamaesainga tuhamuhu kay kaelrelrea.

ku sangwa lregelrege ka kaelrea ngwapapalramadu ki lalregelrege si drakehale, la mahamahamau ki twalai drata mulregelrege kivaevae ka badhabadha, ngisasingkai ku kidremedrememadu ungting ki didyusa, ikay ki kurukyuku mwasaka mapusale si supate ka kaelrea. taku syavava ku thahiha ki lanibekaca, taku ceceele ki singidrata ka badhabadha lu capange isasadra kisasingi, mahahecenge ku lakanea ku langailini pasingkai ki syubai ki sakacekeleta ka swa Vudavudai, lukay akame ka buhasi, nyakama ka butulu, lukay acinabua, cinabucabu, lukay asaungula ka bae, tingpera ka becenge-- makaelaelaela.

最喜歡假日，可以睡到自然醒。想做什麼都好，夏天的假日，最高興的事就是全家到部落看外婆，在山上過夜。沿途依山傍水，和來自平地的漢人朋友們共同馳騁在這條台24線道路上，一路看著漢人朋友拍照，欣賞風景，吃著風味食物。

回到部落，空氣新鮮。晚上，滿天星星，清澈明亮，好似唾手即可得；睡覺不需要吹電風扇，來到這裡，不僅可以避暑，更是放鬆心情的好去處。