朗聲四起
Jiyax sngayan o qrasun bi ana ima ka jiyax saw nii. Yasa tduwa ta msangay sapah ini ta usa qmpah ngangut. Saw ita laqi empatas o ini ta usa matas ptasan ni msangay ta sapah. Jiyax sngayan o niqan nanak uuda na.
Saw kingal jiyax o maspat tuki ka qmpah ta. Kana na hiya do msangay ta da. Muda ta saw mkan nhapuy, mita ta tribi, patas, rmigaw, mtaqi ka jiyax sngayan nii han. Kiya ni kingal iyax jiyax sngayan o empitu jiyax ni niqan dha jiyax ka jiyax sngayan ka sayang da. Dha jiyax nii o kingal o tgmataru iyax jiyax sngayan, kingal duri o jiyax sngayan. Ungat ka saw nii seuxal han. Saw ita laqi empatas o niqan bbaraw bi jiyax sngayan ta duri, kiya o jiyax sngayan rbagan ni misan. Egu bi jiyax sngayan ta wah!
Saw nii niqan egu bi malu jiyax sngayan o huya ta sun muda hug? Saw kndsan ta sayang do egu bi ka tduwa ta daan. Nasi ta msangay mniq sapah o kana na matas ta ptasun ta nanak o egu bi ka slhayun ta qmeepah, saw dmayaw ta rudan mmkay qpahun sapah, smksik, mahu lukus, mhapuy, smkul qaya… Nasi saw kingal sngayan dha jiyax ka sngayun do egu bi saan miying uuda kida. Duma o musa miying kuxul dha slhayan matas, qpahun. Duma o musa tuhuy lupung rmigaw… Duma o dmayaw qpahun seejiq, duma o msangay sapah dmayaw qpahun sapah dha nanak. Duma ka jiyax sngayan siida o musa thmuku Utux baraw… dsaw nii egu bi klgan ka uuda dha nanak.
Yaku o laqi ku empatas ka yaku. Jiyax jiyax msangay ku sapah o plealay han o enbiyax ku pkeeru qmita smluhay saw pntasan mu han. Babaw hiya do qmita ku tribi, dmayaw ku mmkay qpahun sapah, sminaw uqan… Dha jiyax sngayan do tgkingal jiyax o musa ku tguhuy rudan mu dmayaw smluhay qmpah qnpahan daya. Qnpahan rudan mu o egu klgan ka hmaun dha hiya. Niqan bunga, sari, masu, pajiq ni hiyi qhuni. Duma o musa ku tuhuy lupung mu aji uri o lutut mu. Duma o musa nami pngahi qsurux yayung ni trima. Uxay uri o musa ku dmayaw qmpah qnpahan lutut mu. Tgdha jiyax sngayan do jiyax sngayan Utux baraw ni musa nami thmuku Utux Baraw kida. Ini nami qeepah ana manu, yasa laqi nami Utux baraw hmi.
Saw ka sngayan rbagan ni misan do duma o dsan nami na rudan nami musa rmigaw qmita alang isil, alang paru, uxay uri o alang klwaan isil uri.
Ana bi rabang egu bi malu qtaan ni mqqaras bi rwaan kida. Saw nii ka jiyax sngayan o ana bi rabang qrasun muda.
假日是休息日，學生不上課在家休息。一天生活中八小時工作，其餘為如休息、吃飯、作家事、複習功課、看電視等。一周間有兩天假期，可做多種豐富的假期活動，如跟家人到田裡工作、拜訪朋友、郊遊、禮拜日作禮拜等。