朗聲四起

Maharateng no mako ko nano ’orip mitilid i Syang-pi ko-syaw. Mahapinang ko cowa kahecad ko ’orip no aniniay to no tiyaay ho. Ira ho ko fo’is i kakarayan, ca ho katadengal ko romi’ad, pacelem to malingad ci ina ato ci ama ako talatokos a maomah. Kako han to ato safa i, miromrom kako to namal, mitangtang ko safa to holo. Awaay ko misanga’an a dohdoh to karomakatan no nanom, mansa kinapinapi:na kami a miradom i masafanaway a nanom a miradom. Matalaw kacango’otan to hasapitangtang to holo, kohaw, anca sapifanaw to kaysing, ’alapit, sala, halo sapisawsaw to kamay. Roma sa to i, sakamaino’. Sini’adaen to kako to safa, mamangay ho ko mihecaan, away ho ko ’i:cel. Sowal han ako ko safa, “Kanacecay aca kiso a miradom, nga’ayay to. Patadoen kako a misimaw to namal, ya saan i, mapadengaw.”

Anca mipatadoay kako mitangtang to sakaranam sakalahok sakalafi. Ya miciyanan ako a dateng i, maong^onga:y to, kaorira i, kaen hananay ko maong^ongay a dateng to sapifasaw to cahiw no tiyad. Likafen to no safa kako, mana koheti:ng to ko nitangtangan iso a dateng sa.

Maharateng ko pikitoh ni wina to nanoliteng ho a likakawa. Ano mama’orad ko romi’ad i, ma’araw to ko ’o’ol nani tongroh no tokos malikelon pasayra i ’alo a miradom to nanom. Yaan to i, pasifafekang to a macakat, caho caho ma’orad to. Ona demak i, o pakafana’ i takowanan, namiradomay ko liteng, nga facfacan nangra i sera ko nanom ato epah, hay tingalaw kona hekal, makapah kona hekal.

回憶國小時的生活，當時艱苦的日常和與妹妹共同分工合作的情景。每天早上，父母去山上工作，我負責生火，妹妹則煮飯。由於水源遠，需要多次去提水，完成日常的洗滌和烹飪工作。儘管妹妹會抱怨，但仍會完成工作。回憶起母親提及祖先智慧，提到當雲從山上流到溪裡再爬回山上時，天氣將會下雨，並講述了祖靈如何藉此傳遞水與酒，讓大地變得更加乾淨和美好。這段回憶突顯了童年生活中的辛勤與對家族傳統的尊重。