朗聲四起

ci Aytisen u matinengay mitesekay tu tineng sakay kagaka nu Amilika yadah tu ku nitanengan a patineng tu tuud idaw ku cacay a malebut ku nisabaluhayan. sakamu sa cinida; anu malaheci ku cacay a pasyentu u sitangahay cunusen aca tu siwa a bataan idaw ku siwa a pasyentu a mulusu’ ku tanang.

ci Aytisen hina imelang sisa mautang malingatu tayda i cacudadan micudad, nika tulu a bulad ku nikahida nida sa, manamuh cinida mipalita atu amidateng, namakadateng satu cinida, anu taneng midiku ku tulakuk a matineng tu midiku kaku. u wayway nida manamuh mipalita i cacudadan tu papalitaan sisa u saydang caay pakadungdung tu cinidaan, saateka satu ku wina ni Aytisen a pataluma’ tu wawa, namahida pasaicelang satu cinida minanam tu cudad atu mitaneng tu mitekesay mikingkiw tu kagak, namakayda, masumad tu ku nikaudip ni Aytisen. u dadatengan a kamu nida: wina aku ku milaheci tu kawaw nu maku, a caay pakasibalucu’ kaku cinidaan.

sabaw tu lima ku mihcaan ci Aytisen u matulek tu, sakukamu namikinkiw cinida i labu nu silamalay tu abed, anatu mabakuhac i silamalay, u mikuwanay tu silamalay a tademaw malingas sisa patepi’ han tu ku bihid nida, uyda kuhan sikatulek ni Aytisen.

ci Aytisen nu mikinkiw tu dingki sapalikat tu tademaw u nikabilil tu nida mikingkiw tu dingki, nipitaneng a mikingkiw caay kalaheci kinapina tu ku cacay a malebut tu cacay a lasubu tuway. idaw ku mitudawaay a tademaw cinidaan amana pilawpes tu demiad, sakamu sa cinida: hanca caay kalaheci nu maku ku cacay a malebut cacay a lasubu. nika madikec aku ku cacaay a malebut nu dingki caay katatungus a zayliw tu sapadingki, kuyni nabalucuan nida, ngay masaduma a kapah ku nikaudip nu mita.  

愛迪生是美國著名的科學家，有1000多種發明。他曾說過：「成功是百分之一的天才加上百分之九十九的汗水。」愛迪生因病較晚接受教育，因為他喜歡發問和思考，令學校老師無法忍受，母親便把兒子帶回家，鼓勵他學習文學和科學實驗，愛迪生的一生完全改變。

他為了發明電燈，實驗失敗了一千一百多次。他卻說：「我失敗了一千一百多次，但我也掌握一千多種不能導電的材料。」由於他的堅持，們的生活變得更加美好