朗聲四起

cacay a malebut walu a lasubu enem a bataan idaw ku pitu a mihecan, nilecuhan i Poland ci acawanana Cili, u sayaway singangan nu kesilcia tu nu laylayay, kina tusa tu makaala tu kawlah nu Nulbeyiel cinida, u saayaway tu sakacacay nu tatayna makaala tu kawlah ni Nulbeyiel kesilcia a tademaw.

u acawana ni Cili kawlah ci Marie ku ngangan, lalima’ ku calikakaan nu heni u sasabaay ci Marie nanuadidi’hen cinida manamuh micudad.

u malasaydangay ku wama nida, sisa nanu adidi’ hen maydih tu taneng atu milecad ci amaan mibinkiway tu cudad, atu yadahay. nika wama nida tu cacayay a demiad nayi’ saca ku sakakawawan pakuyuc tu ku luma’. naimelang tu ci ina nida inayi’ ku kapahay a padekuwan paisin tu imelang nu udip malawacu aca ci ina nida. cacayay a bataan ku mihcaan ni Marie kapatayan tu nu wina.

ci Marie maydih tu kalisiw sapahabay tu luma’ ci Marie, sisa ales han ni Marie ku picudad tu a nicudad aca tu talakaway, tayda inaka malasaydan. pasubana’ay tu cudad. 

yu namahida tu nadikudan makatepa tu ku wama tu baluhay a sakakawan, kyu tayda aca ci Marie i cacudadan micudad. misaicelang tu micudad mahamin satu micudad haymaw saicelang sa, mabilil tu saicelang satu micudad ci Marie. mahamin sa ku nipikinkiw nida tada mangeluen tu  kina kawawan hani katukuh malaheci’ tu kawawan nu mikinkiwan.

nida nadikudan siacawana sa tu ci Marie, u sitangahay a pinkiwan ci Cili. tatusa satu mibinkiw tu kawaw ni sadakayan tu ku kawaw nuheni. nika caay kahemhem ku balucu’ nu heni, saicelang sa tu mihemhem tu mihcaan makala tu ni Nulbeyiel tatusa ku heni. u pakucilacila a demiad, mahabelut nu kadideng ci Cili mapatay. malalum kya ci Marie, sacacay satu pahabay tu tatusay a wawa. nika milaylay tu mikinkiw hemheman ku balucu’ kina cacay aca makaala tu kawlah ni Nulbeyiel malaheciay nu laylay, u sitangahay matineangy micudad a tademaw cinida. cinida han tu cayay saluimeng minanam a nidatengan. lalingasa. kya ci Marie katukuh haynikapatay nida cayay henay kasatedep  ku balucu sakay kakawaw nida kuyda.

1867年出生於波蘭的瑪麗亞曾獲兩次諾貝爾獎，是第一個獲得此獎的女性科學家。有天，父親失去工作，生病中的媽媽沒有得到好的醫療而過世，為了賺錢養家，高中畢業到鄉下擔任老師。後來，爸爸找到工作，瑪麗亞才回到學校完成學業，成為有名的科學家。後來，嫁給科學家居禮先生，兩人多年努力，一起獲得諾貝爾獎。有天居禮先生不幸因車禍過世。瑪麗亞獨力撫養兩個孩子，繼續研究，再度獲得諾貝爾獎。她總是不斷學習與思考，直到離世。