朗聲四起

nipahabayan atu miidangay i cuwacuwaay. siduma anu makay hekalay aca a nani’. yadah ku nikaadih nu mita i labuway nu luma’. anu kapah ku nipisikul sa mahida midiputay tu wawa a misabalucu’. nika adihen nu mita. idaw ku sikalecad nu heni a nani’ “mininac” tu banuh nu udip. u duma sa misipu tu a sadipa’ atu kuku’. uyni ku sapialulup tu bihid. mabilil aca misadimel aca milusimet tu banuh. mahini ku nisadimel tu udip.

cacay a demiad sa kinapina muliyaw. tadamalakuwit tu ku nikahida sa i saw. sikabiyalaw nu tademaw amidateng kya mahida sa tu ku nikalaluk. misakapah mudimut tu udip. u canan a lalekalan ku mahiniyay. maydih a matineng tu sakahida nu nani’. hangay mahulak kya sikaadada nu punu’.

u sikahini nu nani’ sa. nu makaydaay namahamin mukan mabecul tu sa. nadikudan mininac tu midepitay i ngisngis sisimalay mauningay atu lungidacay nu laway. misulimet tu banuh nu udip. mahini sa sakangaay nu udip atu sikaangil sakacaay amaduka. u nikahini nu nani’ taneng makay mininac tu udip pasucilekay atu anabuh hamin han amisulac. hangay tanektek adihan.

anu katukuh han tu i kasienawan atu i laluday a demiad sa. ninacen ku banuh sa mahida u nipibaca’ namapawaliay balangbang sa dahkez sa ku udip. u sipisakapah amasumad tu sakaydih nu udip ku mahiniay. mangaleb i kasienawan. dimuten nu nani’ kya nihanhan i labu nu banuh misadihku. u duma sa anu mabiyalaw. mapusi sa mininac tu banuh. sakay pakangaay micelem tu balucu’.

u adidiay a nani’ anu mulekal muculil tu sa. hina pamucel tu kikul. tungusay maydih muawaw tu ina apapininac tu udu nida. mamilimula’ay a wayway. anu mahida kya adidiay a nani’ sa. taneng tiyungen ku liel atu bili. anu patahekal tu “duh duh” sananay a suni sa. tungusay maedem tu tatenga’ay a maenapay atu dihku. anu kapah mangaay ku balucu’ nu nani’ sa. pangkiw ku nimasamataan. sipipadengen ku tangila. u sikabalangbang sakay lihalay. ayaan sa musahaymaw. saungay tu kikul u sadipa’ sa mikilihida muhuyahay mikuskus tu udip. ayaan sa misakenikeni’ ku mata. caay pacekcek. miadih tu dumaay a tuud i demidemiadan.

不管是野貓或家貓，常可以看到貓很仔細地舔自己的身體和腳掌，然後用前腳的腳掌或前肢摩擦臉。慵懶的貓最可愛的時候，就是牠這樣整理自己的毛，每天好幾次。牠們為什麼要舔毛、梳理毛呢？

這是為了在吃完食物後，去除沾在鬍鬚或毛上的髒污，以及把身上的毛整理平順。毛平順，貓才能更敏銳地察覺接觸身體的物品，而不會碰撞。也可以藉由舔拭，清除附在身體上的蟲和灰塵。

天冷或天熱時，舔毛可以讓貓毛變得蓬鬆，以便調整身體的溫度，尤其天冷的時候，可以將口中溫暖的空氣藏在毛的縫隙。另外，貓在緊張焦慮的時候也會舔毛，讓自己平靜下來。

小貓有時會豎起尾巴，這代表小貓希望母貓舔拭屁股，這也是一種撒嬌行為。貓在撒嬌時，你可以撫摸牠的脖子和肚子，當牠發出嘟呼嘟呼的聲音時，表示牠感到非常安全與舒服。貓心情好的時候，眼睛會半瞇，耳朵下垂且放鬆，尾巴輕輕地擺動，腳掌上下輕輕搓揉，眼睛迷茫不凝視任何東西。