朗聲四起

idaw i luma’ aku kya cacay a tutuy u lumeni’ay ku kulit a wacu u makaymaway atu caay pitengil, u lumeni’ay a banuh cinida, na i dadan misaliwliw, nu milakalakay i dadan kya wacu niladayan nu wama aku pataluma’ cinida. nu duman a demiad mahamin satu namalabi, misaculiculil i capi ku wama makaadih tu lumeni’ay a tutuy nu wacu mikilul tu inudikudan cinidan, sisa pataluma’ hantu cinida nu wama, mananuh amin kami, kyu pangangan han ci “Sima”.

hinabi’ay yu adidi’ henay ci “Sima”, manamuh mikilim i cuketan mabi’, sademiad sa mabi’ cinida, anu hicahicaen muawaw mahida u caayay pakatengil ci “Sima”. anu pacici han mipalal cinida, mikilim aca tu dumanay a kakitidaan mabi’ aca, tada u micidekay atu kabiyalawan a tutuy manengil satu ci “Sima”. anu manengil ci “Sima” saayaway a kawaw u mamukan tu kakanen, kasikasican haymaw satu tayda i kaysingan, haymaw satu muninac mukan tu si-liyaw, alahican tada yadah tu ku nikanan, ya bili’ tabaki satu masakimulumulu saan cinida.

ya udip atu bili nida manamuh salamaen a matiyung nu niyam cinida, misaasu’ tu nisalamaan sademsem tu udip sa, sisa manamuh mulingaling tu tangah patahkal tu kasumanahay a sema, haymaw sa mininac tu lima’ a misalama i tisuwan , pasayda ku misabelabelat ku lumeni’ay a mata i tisuwan a papelek.

cacay tu ku mihcaan ni “Sima” ayda, kapah ku nisimawan nu luma’ niyam, lumeni’ satu ku banuh salungan sa adihen. anu mamin malabi misaculiculil, i liwliw nu luma’ atu i putah ku ama aku, idaw ku sasacabayan nu wama. u cabay nu wama cinida, malasacabayan tu nu luma’ay mamin.

我家有隻可愛又頑皮的小黑狗，牠是爸爸從路上帶回來的流浪狗。有天晚餐後，爸爸在附近散步，發現有隻黑色的小狗一直跟著他，爸爸把牠帶回來，取名叫做「Sima」。

Sima小時候愛睡覺，喜歡找牆角睡，成天睡，不管怎麼叫都像沒有聽到。若把牠吵醒，牠會再找地方繼續睡，真是奇怪的小狗。Sima醒了後第一件事就是吃，懶洋洋地走向碗，慢吞吞的吃飼料，有時吃得太多，肚子就會變得圓滾滾的。

在細心的照顧之下，三個月後的Sima變成一隻健康、活潑、好奇心強的小狗。媽媽掃地時，牠總對著掃把狂叫。牠最喜歡趁我們睡著後，把全家的拖鞋叼到桌子底下或是椅子底下，讓我們到處找拖鞋，令人好氣又好笑。

現在的Sima已經一歲了，黑亮亮的毛色十分好看。爸爸晚餐後散步，也有了好夥伴。牠是爸爸的好朋友，也是全家人的好朋友。