idaw ku nipahabayan nu maku tu cacay salunganay a pawalil. u sangelacay ku kulit nu udip nida. nayay ku macamulay nu duma a banuh. ya tangila micidek ku tanaya’. mahida u papah nu apalu katabaki.

u mata sa u sumanahay. na matakah henay kaku nu sayaway kya mahida siidangay ku mata saan. nika matenes tuway kakayda satu manina’. manamuh tina pawalilayan i tawya sa sipangangan han ci Sisi.

hina talaw u duma ku mapadaki ni Sisi. adidi’ay a ngiha sa malawmaw sa tuway. anu makatengil tuni mulekalan a suni sa. milmil sa milimek i kalimucuan. kadihiyan sa. kina cacay tu mitaneng cinidaan. maydih amididaw tu nikaudip i demidemiadan. musisip kaku i duutay paengaw tu ni saungay atu sapaayaw.

i tawya sa namabilil ci Sisi mubuwabu mukan tu sakanamuhan a kakanen ya ninzin. mahicaay hakiya kida cihek ni takulapan. alaw mubasing. makatengil ci Sisi i tawya sa matawid. kasenun sa masukut. i nu kalimucuan. milmil sa milimek i labu nu tapiingan. i mahida sa caay tu pisaungay. yah! mahidaay haw sakiya balucu’ nu maku.

u sakanamuhan a kakanan ni Sisi sa u ninzin. cacay a demiadan sa pinapina ku nipingitngit. asu’ adihen kya wayway mukan.

nika tayni ni Sisi i tini. makaala tu pangkiway a mihcaan. mananam tu nika i tini mueneng. sawsawni mianin tu kakanen i takuwan. anu wawahan ku salubuan sa talacuwacuwa mulakalak miidang. tadebudebut sa anu hicasaan taynien nu tapiingan mininac tu lima atu dikuc. u duma kangelu’an tu sa milihida cangday i padahaw. salungan sa kya wayway. manamuh kaku tu nika nunengan atu nilimula’an ni Sisi. maydih kaku ci Sisian. anu mahini tu sakakumeced nu udip atu lipahak ku balucu’ tahadauc.

我養了一隻可愛的兔子，全身白色，有長耳朵，紅眼睛。我幫牠取名叫做「Sisi」。

Sisi非常膽小，一點聲音都會嚇到。有一次，我躲起來觀察牠在籠子裡吃飼料，我不小心打噴嚏，Sisi嚇得縮成一團，躲在角落動也不動。

Sisi非常聰明，有天我發現籠子門開著，西西不在籠子裡。我心慌地到處找，但怎麼也找不到。我覺得非常懊惱，自己沒有把籠子門關好，讓西西趁機跑出去。

幸好最後在庭院角落找到了牠。

Sisi最喜歡吃紅蘿蔔，牠可以一天啃完一支大紅蘿蔔，牠吃紅蘿蔔的樣子，讓人感覺十分可口。

Sisi來到我家半年，已經習慣我的存在，常向我要東西吃。我把牠從籠子裡放出來玩，牠會四處跳來跳去，然後回到我身邊，舔我的手和衣服。玩累的時候，會依偎在我的身旁，十分可愛。我喜歡我的兔子「Sisi」，也希望牠能健健康康與我作伴。