朗聲四起

idaw ku nipahabayan nu maku tu cacay salunganay a pawalil, u sangelacay ku kulit nu udip nida, nayay ku mapacamulay dumaay a kulit nu  banuh nida, ya tangila micidek ku katanaya’. mahida u papah katabaki a melawannu, u mata hantu sa u sumanahay mahida u siidangay a melawan. kyu sipangangan han aku ci “Sisi han”.

micidek ku nikapusi ni Sisi, anu makatengil tu adidiay a suniu sa mapaceku’k tu, kinacacayan tu nu maku a milimek misidep, mutapal tu mahica ku nikaen nida i palubuan kunasa, namahicaay hakya ku cihek nitakulapan lalaw muba’sing, ci Sisi hantusa itawya sa makatengil tu piba’sing aku sa, mapatay nu milmil masakimulu tu ku udip a masukud, milimek tu i kalimucu’an nu palubuan caycaay tu pisaungay.

u sitangahay a pawalil ci Sisi, nacacay a demiad makaadih kaku tiya palubuan mawawah tu ku panan, kasenun sa a mabiyalaw ku balucu’ nu maku siduma satu tacuwacuwa a mikilim, nika mamin tu a liwliwan aku ku kakiliman sa caay tu katepa. masinpay tu ku pisimsim mi’dis tu udip tadatakulap nacaay kakapah ku nipicukcuk tu panan niya palubuan, kuliniwan niSisi mulcis midang. u malemeday tu hansaw masikul nu paudipay, alaw itida tu i liwliwan kalimucu nu luma’ sikatepa ci Sisi.

sakanamuhan niSisi ku ninzin a kakanan, cacay a demiad mahamin nida a mukan tu cacayay tabakiay a ninzin, asu’ ku nikan ni Sisi tu ninzin mangalay tuwca kita pikadihan.

pangkiw tu a mihcaan ku nikataynian niSisi i luma’ niyam, mananam tu sikaidaw nu maku i luma’, sanisani a mianing i takuwan tu kakanan, anu sipaydangen i hekal sa tatebutebut sa i cuwacuwa, tumahida sa mutiku a taynien i tepal aku, mininac tu lima atu dikuc aku. alahicaan sa mangeluen tu sa miida milimula i tapiingan aku, kalalini’an sa kya wayway. manamuh kaku ci “Sisian” a palwalil, adasay a mahini tu ku kakumeced nu udip nida hayni tahadauc a pacabay i takuwanan.

我養一隻可愛的兔子，全身白色，有長耳朵，紅眼睛。我幫牠取名叫做「Sisi」。Sisi非常膽小，一點聲音都會嚇到。有一次，我躲起來觀察牠在籠子裡吃飼料，我不小心打噴嚏，Sisi嚇得縮成一團，躲在角落動也不動。有天我發現籠子門開著，Sisi不在籠子裡。我覺得非常懊惱，幸好在庭院角落找到了牠。Sisi來到我家半年，已經習慣我的存在，常向我要東西吃。我喜歡我的兔子「Sisi」，也希望牠能健健康康與我作伴。