朗聲四起

Tumay：

mahica tu!

matineng kisu i takuwanan haw?

tu demidemiad maladay kita micudad, maladay mukan, maladay mabi’, maladay muwangic atu matawa.

kanca makadateng tu kisu, isu haw kaku, aku haw kisu. ayda a demiad pacudaden kaku i tisuwanan, u sapacekil i tisuwanan,ngay matineng tu la’cusay a wayway, adasay taneng misumad tu la’cusay a wayway nu uzip isu.

kanahaw tu tada sikawaway i ayaw kisu, aca saicelang a minanam. nika aydaay kisu masaduma tu kisu, takakasican tu aca caay aca pinanam u canan ku lalekalan a sakalahci nu misu malahiniay a wayway? mahica saw?

naayaway haw sa i ayaw i cacudadan namalingatu mitaneng, ku tatenga’ sakapahay i luma’ minanam tu cudad kisu, mihalhal a mitaneng.

nika sa, kisu yadah ku ni palawpes tu demiad miazih tu tilibi, misalama tu nu dikiay a sasalamaan tada caay tu pakaelih tu sapicudad nu udip.

ayzaay a wayway isu tatenga’ tada lihalaw kaku, palatatenga’ kaku i tisuwanan lihalaw ku wama wina isu. adasay kabilil misumad tu kuyni la’cusay a wayway isu. anu katukuh i luma’ kaw u cudad ku ayaw misulit, anu izaw henay ku lawad kya misalama tu sasalamaan.

anu kabi’an tu ku sakabi’ nu tuki sa luceken tu sakabi’. anu caay sa  caay tu pakakilul tu nicudadan tu cudad, nu uzip sa, caay katatudung pakalihalaw tu luma’ay kuyni cayay katatudung a kawaw.

mautang tu ku demiad, hatini tu ku nisulitan aku, adasay sumaden tu la’cus nu misu, naudipan a maudip nu mita mapulung misaicelang mipasepi.

katanektek nu uzip isu, satalakawen tu ku nipicudad.

Tumay nasulitan

Tumay，你好！我就是你，你就是我。

文章藉由寫信給自己，提醒自己的缺點，以期改掉壞習慣。像是，以前非常認真，最近變得很散漫。考試前應該好好複習功課，卻花了很多的時間看電視、玩電動。也因為晚睡晚起，連早餐都來不及吃，精神不濟。課業趕不上，身體變差，家人也會擔心。時間不早了，一起為自己的人生努力！祝身體健康，學業進步！