朗聲四起

Ma-aq a melanqabasan tu elqumisan un a ni-i tu lusqa az-az i qalinga, istupa amin a sikopa ka tastu-elqumisan a sin-iqumis. Heza ka tupa tu ma-aq a elqumisan a kopa ki qalinga ka mastaan kadimanun, ma-aq in a dumaduma ka maqtu in saqalmangan, mopa ni-i tu mamaszang i issia pisKilistu sinpaliTamadaza tu qansiap siin letuza-an, paaq pu-un kopa-av i qalinga ti ka katamasazan maldikus. Ma-aq a mopa ta tu iniliskinan a ni-i tu pantukutuku, mopa ma-aq a tupa-un tu elqumisan a mal-a-amin a sikopakopa sinbabazbaz nait iniliskinan, sinkuzakuza, esisopa-an ta, maszang i sinpalqutun ta tu maqtis musasuu maqunduq a linedi tu batu, ni-i tu maqtu lusqa sibusbus tu tas-a batu tu kopa istaa ka mastaan tu kadimanun, ma-aq is mopa ta ka na panlivaliva in a elqumisan, na ni-i sia Bununtuza ka busvit, tamasaz, mangan maqtu sadu-an tu mopa ta. Uu ka, na minma-aq in a elqumisan, na ni-i in minma-az. Inaak a na istupa ka sia kis asa ka elqumisan tu pisaziksikun sihapav miliskin tu ma-aq a masihal a na atinmananu-un ta mapintamasaz, ma-aq a madikla ka muskun miliskin tu duuq na laktanan in. Memaku-aq a elqumisan un tu minmopa ta, na tudiip in maqansiap tu tismopa ta qan a, mopa ni-i ka elqumisan un tinmopa ta tu na asa mapindikla ki tastusiduq tu bunun ta, tis-uni tu na asa mapinsihal mapinteklas i tastusiduq tu bunun ta. Asa tu tangus ang miliskin tu masihal qan a nepa ka, na tudiip ata matumasqing i mopa ta tu elqumisan, alusqutan ta maldidikus, pisihalun ta makusia soqabasqabas. Uu ka ma-aq a elqumisan un a, asa tu padangi-an i issia pisKilistu tu sintataqu ka, na minsaningsing in. Pesna-ita ata matingna miliskin tu na piko-uq mita ka elqumisan un mapinno-az makusia, maku-uni issia Tamadaza tu sintataqu mapinsaningsing i elqumisan ta, pisihalun ta kapimopa.

Ma-aq a elqumisan un a teklas nepi, asa tu pisaziksikun ta muskun miliskin tu na piko-uq ta istaqu musasuu kapimopa. Ma-aq a elqumisan un a mastaan tu kadimanun, ni-i tu maqtu saqalmangan. Asa ata tu manahip tu mopa ta mita ka elqumisan, mazima ki mopa ta tu elqumisan, muqnamuqna miliskin tu na pisihalundengaz malkasia. Asa tu ni-i tu pakasi-a-un duma tu siduq papiliskin i Bununtuza mita tu elqumisan ti, iliskinun amin a sikopa tu sin-iqumis, iliskinun ang tu maku-aq a, ma-aq is tutuza tu masihal a tudipa-un in pisihal istaqu.

文化不僅是語言，也是生活。有人說語言重要，因為有些文化與基督教神學與信仰原則有衝突。一個民族的文化是環環相扣，文化精髓與精神，皆具文化價值。

傳統文化須詳細研究，如何形成？為何需要？文化是為了讓民族變好，應予以肯定。可注入福音站在信仰，重新詮釋發展神學。傳統文化乃一門學問，應好好研究。可由欣賞和喜歡文化的人；自己人；專業者來研究。且研究時要謹慎、廣範、深入、正確，並經過求證後始可發表。