朗聲四起

ana kung ba kmayan ana nanu kay ru kay mickay, sikila ungat ginnaluw muw ga, wiwan nanak hmnyang ru tungtung. ana kyan rngu mu pin’yu sku balay na tu’iy ru ba’un muw kwara ku ki tl’ing, rahu ku sinhyan muw thuyay yemuy rrgyax, sikila ungat ginnaluw muw ga, ungat nanu yaw uziy na. ana muw ’si galiy kwara zaysang muw may sku khesip  ss’uli, laxan muw kung nanak wahan lmon, sikila ungat ginnaluw muw ga, ’yat mwah rmaw sku kuzing na.

gmaluw hiya ga, ana knuwan thuyay ’mhut inlungan, kyan ku mhuway nya, ginnaluw hiya ga ini sin’abas, hmakas, gmaluw uziy ru ini trahuw nanak. ini ptyaw sku sksayux yaw, ini lnglung sku hiya nanak, ini mhmut mbci, msa’ang, ini lpuw sku kinya’ih ss’uli, ini sogan sku ya’ih, nanak ku balay balay ga syun nya inlungan. ana nanu yaw ga msswayan, ana nanu yaw ga sinhyun nya, ana nanu yaw ga kyan sinngusan, ana nanu yaw thuyay ’mhut inlungan, gmaluw hiya ga ini tpuyut ana knuwan krryax.

nrgu nku yogensya pin’yu sa balay na tu’iy ga ini tehuk na, rngu na kmayan sku ini ptna na kay ga, kyan uziy ku ini nya thki na. kinba’an uziy ga musa kyan utux ryax ku ms’ungat.

kinba ta ryax soni ga ini kpyux, knayan na yogensya uziy ga ini kpyux, mwah ku balay balay hiya lga, musa ms’ungat ku ita la. trang la’i ta na ga, kkayan ta ga kay nku la’i, inlungan ga la’i uziy. mrkyas ta ru mrrhu ta balay lga, laxan ta ku yaw na la’i hiya la.

misu soni ga wiwan niya ta mtayux sku riwan pkkita, ini sluy hazi, tehuk ryax lga, pktayux ta na r’iyas balay la. misu soni kinba ta ga, ini kpyux, tehuk ryax lga, musa ta ba’un balay la. misu soni ga kyan sinhyan, sinngusan ru gmaluw tugan hani, pyang rahu ga gmaluw.

kay binrwan na Poro sinsi hani ga ’nagan nya sku sinbilan na Mrhuw Yesu Kiristo, trang mkura sku ’osa nya mpangan zyuzikak ru hmakay sku mbetux tu’iy. wayan nya peman kakay nku kwara pincba’an nya mpuw sazing seto kmayan maha ana mamuw son sinsi kung ga niya kuzing mema kakay mamuw, simu uziy ga pppema kakay mamuw pggaluw uziy, pyang pucing srhgaw simu ga siki mggaluw simu, siga sgaluw simu uziy. mggaluw simu lga, musa txan ru ba’un na ss’uli maha simu ga seto muw balay. nanak ku gnaluw hani ga ba’un nya smon kwara kinya’ih. siga sgaluw simu ru memaw kahun sku msrmuyux mwah ’mwax ru smom kinhmtan mamuw.

若能說方言、天使話語，沒有愛，只成了鑼、鈸；若能講道、明白奧秘，有信心能移山，沒有愛，也算不得什麼！若賙濟窮人，又捨己身，沒有愛，仍然無益。愛是忍耐，恩慈，不嫉妒，不自誇，不張狂，不作羞事，不求己益，不喜不義，只喜真理。凡事包容、相信、盼望。永不止息！先知講道、知識終歸無有。長存的信、望、愛，最大的是愛。

耶穌宣教面對背十字架的路，為學生洗腳時頒布新命令：彼此相愛!愛能遮罪，我的愛能洗淨你們的罪。