朗聲四起

sinzzywaw balay yaya’ maku’, ktay minqbubu nya...

trang nisan saku musa’ qutux giqas na pqwasan biru’ ga, ktan saku’ nya kwara’ seto maku’ ru syaqan saku’ kwara’ nha. ana ga, ini’ nya baqi cikay mha, “ son nanu’ msblaq kwara’ ka yaya’ yaba’ na seto mu ” yaya’ hya.

hmb_yaw maqun knan kwara’ seto maku’ muci, “ cyux maki’ inu’ yaba’ su’ hya ”? smyuk yaya’ mha, “ si ga, ini’ nbuw qwaw qu yaba’ ka pkaki’ qutux mnanak na kki’an qu hiya”.

maki’ qutux ryax, pqutan nya sami sinsiy mha, “ smwal yaya’ mamu kbalay cikay tankaw sqqas ta’ qutux sqasan giqas na pqwasan ”? ru kbalay qutux tankaw yaya’. si ktay, yaqih ru mnanak balay knalay nya, memaw saku’ msayux balay. ana ga, pqasun balay ru soyan nha kwara’ seto maku’ knalay nya! maqun seto maku’ mha, “ pswal su’, musa’ sami hmyapas ngasal su’ ”? ana ga, ini’ maku’ baqi p’uci nanu’ mita’ ngasal maku’ qu lha! ini’ swali na yaba’ ki yaya’ nha mwah ngasal maku’ ru pucing lga smwal lozi. soyan nha kwara’ qinyatan ngasal myan, kintan nha yaki’ maku’ uzi. msblaq ki kwara’ seto qu yaya’ maku’, ru mqas sami balay qutux ngasal uzi.

ana ga, trang mhutuw yaba’ yaya’ na seto maku’ lga wal yaqih kwara’ la! yaqih nya balay llungun qu yaya’ maku’! ini’ pqas rrangi’ maku’ uzi. kyalun saku’ lha mha “ blaq ni squliq qu yaya’ su’, ana ga iyat sami thuyay mwah ngasal su’ babaw nya la”!

ru maki’ qutux ryax, cyux mtlom qu pqwasan biru’ sami, yan sami phuqil sami kwara’, lokah balay rmaw pqwasan biru’ qu yaya’ mu, mwah rmaw muyut puniq uzi, slaqux nya kwara’ squliq mwah muyut puniq. ktan yaba’ ru yaya’ na seto maku’’ lga memaw nha ini’ baqi son nanu’ skhway yaya’ maku’. misuw qani lga, ana ima’ ga mwah hmyapas mcisal ngasal maku’ la!

起初，我覺得媽媽很麻煩，總是與同學的父母格格不入，還讓我在學校被嘲笑。老師請她做蛋糕，卻變成一場災難，但同學們反而覺得很酷。儘管同學想來我家玩，他們的父母卻不允許，直到他們偷偷來了，發現我家有很多有趣的寵物，玩得超開心。然而，當父母們出現，一切又被破壞了，他們再也不能來。後來，學校失火，媽媽英勇救援，讓大家刮目相看。現在，所有人都願意來我家瘋狂玩耍了！