朗聲四起

Pi kai ki cacekecekele, taraya kai ku nitubengelradhane, ku sapatuthingalane ki cekele, si sarathudane ki kidremedreme, kay Ngudradrekai, la tualainga ku nadruma, cegecege kay bariangalai, si ka sapatuthingalane ki Ngudradrekai, kay bariangalai mualrivili ka thariri, la ka samausakesakenane.

Kay kadaengune ki Ngudradrekai, tacebeane ki bariangane, lakathariri lasangusai waledra wadraredrare ki kadaengane matiausakene, kai matia ka bebetethe, anika thariri turamuru la iya ku nalatumuita, alata tupalrealrebane, tubengelrai laiya. sakaulainga aladarepe ku kakudhane ki bariangalai.

Ku kakudhane ki bariangalai, lupakelasu ki ngualrima ku valisane pana ka sawvalai, siacivare madu, paka vaeva ku bariangalai, lu ki tulrevegesu ka labaibai, sia dukipi madu, lu dukipi ku bariangalai ku ababai, lrigu ku taulecegane taka bulane. lu sicivare kay sawvalai ku bariangalai, lrigu ku tapanane ini ku babui.

ludrele numi ka lavavalake, kai makalra ubulane kay bariangulai, asalumalrane la sicivare, anikakalranga kuini kakudhane si matipangelrace lriya numi, ai, sapelaelane ku lrigu, lukiparaisane kay bariangalai, kaidu kiabububuli sicivare pasalrivane.

魯凱族以前就選擇百合花為族花。戴上百合花可以更漂亮，也是尊重對方的禮節。百合花的佩戴方式，規定男人要獵得公山豬累積到五頭以上才可以佩戴。女士們要透過賜冠儀式才可以佩戴。魯凱族認定，女人佩戴百合花是象徵聖潔和高貴，男人佩戴百合花象徵男人脫穎而出的智慧和勇敢。

對魯凱族而言，百合花也象徵責任和榮譽，希望每人都能堅忍不拔、有智慧、謙卑和平的像百合花，代表魯凱族的記號和民族的精神。