朗聲四起

Kai bariangalai, sapatuthingalane ki Ngudradrekai, asiluiyane, kathane kay Ngudrekai, ka arakai ku bariangalai, tubengelrai, sanaka siacivarenga ku bariangalai, Ngudrekai ku ta kaumamasane. lakamani, nipasudalepane, pasibariangalai, ku naganane ki Ngudradrekai.

Ikai ki Ngudrekai, kay bariangalai, sapatuthingalane ku lrigu, lu ikay ku lrigusu, arakai madu ku bariangalai, patuthingale pakai ki aulru. ku tapiapiane madu ku lrigu, kay sauvalai sya civare, kay labaybai la sidukpi ku kakudhane ki bariangalai, lu ngulrimangasu pana ku valisane, paka vaeva madu sicivare ku bariangalai, lu patarudradrusasu pana ku valisane, a pakakalrisi, laiya madu, lapakadrusa si civare ku bariangalai, lu patarutatulrusu pana ku va lisane, la pakatulru madu, sicivare ku bariangalai. kay labaybai luka kia tulrevege, siadukipi ku bariangalai, lu kingivasu valesu ki tulrev ge pakavaeva madu sidukipi ku bariangalai, lu sangu pusalesu kitulrevege pakadrusa madu dukipi ku bariangalai, lu paka drusane sidukipi la apadradraedrale madu. lu kaisu pana ku babui ka sauvalai, kaidu sya civacivare ku bariangalai, lu kaisu kitulrevege ka ababai kaidu wadukidukipi ku bariangalai.

Kay bariangalai twalainga ku nadruma darepe ku kakudhane, la katinukucingalrane turamuru, ikai ki cekele ki Ngudradrekai, ka kakuthane ka sapelaelaelane ki lrigu lakathane kay bariangalai, arakaita ka Ngudradrekai, patuthingale ki cekeleta, la rakaita kay bariangalai tusenai ki cekeleta. kay bariangalai, ngukai ki sauvalai, sapatuthingalane ku lrigu, sapatuthingalane ku taulrivilane ku puku, lu pangukaiyane aiyane ki ababai, sapatuthingalane ku bulanesu sulrapelane, tamulecegane. kuta ka Ngudradr kai, latakai cilricilri takaiulrau, takilibake apalralrauthane ku kakudhane ki bariang lai.

百合花是魯凱族的記號也是族花，因為只有魯凱族利用百合花做為榮耀的象徵插飾在頭上，魯凱族的社會裡隨時可以看見人民將美麗的百合花插飾在頭上，除了代表漂亮以外更重要的是代表尊重。

百合花在魯凱族的社會裡，是象徵個人身分和社會價值，其規範的方式男女有別，男士插飾一朵百合花在頭上，代表他已獲得公山豬累積達五隻以上。如果是一次打獵同時獲得兩隻公山豬，即可在頭上插飾兩朵百合花。女士則必須公開辦理相關的配戴儀式才可以以頭飾的方式配戴。如果辦理兩次儀式即可配飾兩朵百合花。男人沒有獲得足夠的公山豬是不可插飾百合花，女人沒有透過傳統的配戴儀式也不可配戴百合花。

百合花的配戴是祖先傳下的優良文化，每個魯凱族人以百合花為傲，男人象徵智慧和能力，女人象徵貞操、仁慈、善良，我們不能忘記祖先創造的文化，我們要珍惜百合花的榮耀，藉之發揚魯凱族文化。